عنوان الموضوع : عندما يكون لديك ضيوفا ماذا تحضرين؟؟؟؟؟ المطبخ الجزائري
مقدم من طرف منتديات العندليب

صباح الخير يا فحلات المنتدى اليوم جاتني فكرة وهي انو كل وحدة تقولنا لما يكونو عندها ضيوف وش هي الاطباق الرائعة المميزة لي تتقنها وتتفنن فيها ويا حبذا لو تط لينا الوصفة بش نستفادو كامل من خبرتها

نتمنى يعبجكم الموضوع ونتفاعلو كامل وربي يحفظكم
شكرا


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

.................................

__________________________________________________ __________

>>>> الرد الثاني :

اولا الحريرة+طاجين كرات اللحم بالفطر+الجبن واللحم الحلو بالفواكه المفورة وسلطة مشكلة +الفاكهة+عصير الجزر

__________________________________________________ __________

>>>> الرد الثالث :

المشاركة الأصلية كتبت بواسطة yarasmin.26
اولا الحريرة+طاجين كرات اللحم بالفطر+الجبن واللحم الحلو بالفواكه المفورة وسلطة مشكلة +الفاكهة+عصير الجزر

لو تتفضلي اختي الكريمة وتقولينا وصفة كرات اللحم بالفطر وهل راكي مجربتها ام لا؟؟ نتمنى تردي بش نستفادو كامل
بارك الله فيك

__________________________________________________ __________

>>>> الرد الرابع :

اخر ضيافه بالنسبه لي مقبلات جزر و بطراف في كاسات ثم الاطباق الاخرى معا شربه فريك بالحم صينيه غراتان جلبانه وفرماج في الفرن بلا لحم محمر وصوص فطر و زيتون مرافقه له سلطه خضراء معها بولات ارز مع كاشير و الديسار حلى ترايفل لكنه مزيف يعني على حسب الامكانات و بجانبه الفاكهه

__________________________________________________ __________

>>>> الرد الخامس :

أختي مشكورة على الموضوع
بالنسبة لي أنا متعودة في كل العرضات اللي عديتهم ندير مقبلات مثل الكيش باللحم المفروم و الجبن أو سوفلي أو ميني بيتزا و غيرها من المقبلات و نزيد سلاطة مشوية حارة و سلاطة خضراء فيها الخس و الخيار و البسباس و زيون أخضر و نزيد صحن ماسيدوان و نزينو بالجزر و بطراف و طماطم و زيتون أسود و ندير الأعواد فيهم كاشير و جبن و كورنيشون..........
بالنسبة للطبق الأول ندير شربة فريك باللحم و بولات اللحم المفروم
الطبق الثاني ندير طاجين الجبن أو طاجين الكباب أو الكفتة بالجاج أو طاجين الشواء أو الطاجين الحلو أو غيره من طواجن حسب الامكانيات و ساعات ندير دجاجة محمرة في الفرن أو قطع من اللحم المفور و المحمر في الفرن يعني حسب الظروف
بالنسبة للطبق الأخير ندير شخشوخة الظفر أو شخشوخة النعمة كيما نسموها حنا يعني الرقاق البسكرية و تكون باللحم أو بالدجاج و الحمص و الفلفل الحار
و أخيرا للديسير ندير سلاطة فواكه مزينة بالكريم شانتييه و الكراميل و فلان و بعض الحلويات الخفيفة المصنوعة في البيت و ممكن في فصل الصيف نزيد المثلجات المصنوعة في البيت و غيرها من الأطباق الحلوة
راني كثرت الكلام لكني أختي جمعتلك بعض الأطباق اللي طيبتهم في العرضات اللي فوتهم سيرتو زوجي يحب يعرض بزاف الناس نتمنى نكون أفدتك