عنوان الموضوع : اللحم المفور طبخ جزائري
مقدم من طرف منتديات العندليب

ياحراير على بالي بروحي كثرت عليكم بصح لامفر
انا درك راني نحوس على وصفة اللحم المفور
كل وحدة تجيب الطريقة تاعها
انا درك نعيط لاختي باه تمدلي الوصفة كاملة ونحط هالكم


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

واحد مايعرفو

__________________________________________________ __________

>>>> الرد الثاني :

والله جامي سييتو وأصلا ما نعرفلوش راجلي يشكر فيه بزاف ياريت تفيدينا بالطريقة

__________________________________________________ __________

>>>> الرد الثالث :

اللحم المفور لذيذ بصح يدي وقت طوييييل باه يطيب
جيبي قطع لحم غنمي ما تكونش غليضة بزااف تبليها مليح بالبصل والثوم الملح الفلفل الاسود والكمون والكسبر وشوية زيت مش بزاااف
تخلطي جميع المكونات مع بعض وتمرغدي فيها اللحم مليح تلفي كل قطعة في ورق الالمنيوم جيدا وتحطيهم في كسكاس وتغطيه وتكثري الماء في البرمة وتخليه يفور حوالي 4 ساعات

__________________________________________________ __________

>>>> الرد الرابع :

المشاركة الأصلية كتبت بواسطة *ام رامي*
اللحم المفور لذيذ بصح يدي وقت طوييييل باه يطيب
جيبي قطع لحم غنمي ما تكونش غليضة بزااف تبليها مليح بالبصل والثوم الملح الفلفل الاسود والكمون والكسبر وشوية زيت مش بزاااف
تخلطي جميع المكونات مع بعض وتمرغدي فيها اللحم مليح تلفي كل قطعة في ورق الالمنيوم جيدا وتحطيهم في كسكاس وتغطيه وتكثري الماء في البرمة وتخليه يفور حوالي 4 ساعات

اختي مشكورة على المساعدة انا اختي قالتلي ديري معاه الكليل
ومرة قناة نسمة طيبوه في كوزينتنا هكا دارو احمر واش رايك دارلو طماطم مصبرة


__________________________________________________ __________

>>>> الرد الخامس :


مساء الخير حبيبتي

اللحم المفور يشد في الطياب بزاف

نمدلك طريقة سهلة ورائعة و شهية في نفس الوقت لتحظير اللحم يجيك كانه مشوي

حكمي اللحم عملي تتبيلة فلفل اسود + زعفران+ كركم + كمون + ملح + زيت الزيتون + زيت المائدة + سنك الجبير

مرغدي اللحم مليح فيها و ديريه في الالمنيوم غلقي باحكام و حطيه في الكوكوت و غلقي بدون اضافة الماء

نقسي علية مدة نصف ساعة و حطيه

شهية طيبة اتنمى ان اكون قد افدتك ولو بالقليل