عنوان الموضوع : المطلوع المطبخ الجزائري
مقدم من طرف منتديات العندليب

اريد وصفة تاع المطلوع تكون مجربة انا مطلوع ميخرجليش خاصة الماء


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

الان رانى رايحى نرقد رانى تعبانه بصاح غذا اذا تفكرت نقولك على كيفية ساهلة

__________________________________________________ __________

>>>> الرد الثاني :

السميد متوسط
فرينة
خميرة خبز +قليل من السكر
ماء دافىء
ملح
سانوج
يدلك جيدا وانا طريقتي نكوروا ومن نقرصوش مانيش عارفة وش تقولو نتم ونغطيه ونخليه اربع ساعة ولا عشرين دقيقة وممبعد نقرصو **نمدوا ولا نبسطوا *******ونطيبوا

__________________________________________________ __________

>>>> الرد الثالث :

المكونات:دقيق+خميرة+ماء دافىء+ملح+سينوج
طريقة التحضير:تحطي الدقيق والخميرة والملح في قصعة وتعجنيهم بالماء وتدلكيهم جيدا حتى تصير عجينة متماسكة وتخليها ترتاح لمدة ربع ساعة او 20 دقيقة وفيما بعد تقسمي العجينة الى كويرات متساوية وبعد ما يرتاحو شوي تقرصيهم وتطيبيهم.
وشهية طيبة

__________________________________________________ __________

>>>> الرد الرابع :

قصدك خبز الدار حنا عندنا المطلوع هي الكسرة تاع الخميرة وكااين في بعض المناطق المطلوع =خبز الداار
رااح نعطييك طريقتي ان شااء الله تعجبك حنونتي
تقيسي بالباطة تاع الزبدة 500 غ ديري 2 سميد ووحدة فرينة تبسييهم بكااس زيت تزيديلهم 5 ملاعق صغيرة سكر و4 ملاعق صغيرة خميرة الخبز +شوية ملح تلمي العجينة تااعك بالحليب الداافىء تخليه يطلع ومبااعد تعجني ملييح مليح وتزيديلو مااء الزهر و2 عضمات تزيدي تعجني شوية وتبيلليه بحلليب دافىء حتى تولي العجينة رخوة تقسميها كويراات وتحطيها في بلاطو مدهون بالزيت تقرصيها وتخليها تزيد ترتاح شوية وتدهني بالبيض وتدري عليها الجلجلاان
ملااحضة هدي الكمية داارتلي 4 خبزاات وشهية طيبة راايح يجييك هاايلة عندي وصفة بالفرينة فراات ميتعجنش يجي هش ومليح بزااف ادا حبيتي نمدلك الوصفة ؟؟؟؟؟

__________________________________________________ __________

>>>> الرد الخامس :

انا ندير :02بول تاع سميد ونص تاعو فرينة
ملح مغرف صغيرة +مغرف كبيرة خميرة خبز+مغرف كبيرة سكر
ونلمو بالماء عجن خفيف برك
نحطو يخمر في بواط مغلوقة باش يخمر ليه ليه
ومن بعد ندير شوية زيت ونعجنو بيه ونقرصو 02قرصات
نحطو يخمر من بعد نطيبو على طاجين فخار