عنوان الموضوع : فطائر بالخضر الدرس رقم 13 المطبخ الجزائري
مقدم من طرف منتديات العندليب




سلام على كل اخواتي

سنواصل باذن الله دائما مع

لحظـات مخـبـرية في الفــنون المـطــبخـية


الدرس رقم 13


فطائر بالخضر



المقادير

حبة بطاطا كبيرة الحجم

2 حبات جزر

حبة قرعة

حبة بصل متوسطة الحجم

1 حبةبيض
قطع من الجبن او جبن شيدار مسكرفج

2 ملاعق كبار فرينة

قطع من الدجاج المطبوخ مقطع رقيق او لح مرحي اختياري

ملح

فلفل اسود

زيت


طريقة التحضير

نقشر البطاطا ونغليها في الماء مع الملح ونرحيها بواسطة شوكة

نقطع البصل رقيق ونقليه مع الزيت والملح حتى يذبل ونضيفوه للبطاطا

نقطع القرعة قطع صغيرة اما نفورها اونقليها لك الاختيار ونضيفها

نقطع الجزر صغير ونفوروه ونضيفوه

نضيف قطع من الجبن الابيض او شيدار مسكرفج

والبيض والفرينة الملح فلفل اسود
وتضيفي اللحم المرحي طايب او قطع مفتت من الدجاج طايب انا هنا مادرتش غير الخضر

نخلط الخليط جيدا ثم نشكل فطائر نحطها في سنية ونحطها في الثلاجةحتي تتماسك ثم

نقليها في زيت ساخن

ونقدمها

ملاحظة

نقدر نحضرها في الفرن
نحط الخليط في بلاتو دائري مدهون بالزيت نحطها فوق النار حتى تتماسك ثم نقلبها للجهة الاخرى ونحطها في الفرن حتى تتحمر تاخذ لون وهي فعلا لذيذة
تشبه المعقودة ولكن بالخضر







































طريقة التقديم








انشاء الله جربوها وتنال اعجابكم


مع تحيات ام اسلام وآية ويوسف




>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

بارك الله فيك وصفه اقتصاديه نتذكر مره جربتها بالصدفه انا درت جلبانه مع نفس الخضر اللي درتي و مادرتش الفرينه و فعلا خرجت بنينه وخفيفه انشاء الله نجرب طريقة الفرينه جزاك الله خيرا

__________________________________________________ __________

>>>> الرد الثاني :

أم أسلام واية أين انت الحمد لله على الرجوع افتقدناك شكرا على الوصفة الخفيفة والمفيدة نجربها نشا الله

__________________________________________________ __________

>>>> الرد الثالث :

المشاركة الأصلية كتبت بواسطة goumar
بارك الله فيك وصفه اقتصاديه نتذكر مره جربتها بالصدفه انا درت جلبانه مع نفس الخضر اللي درتي و مادرتش الفرينه و فعلا خرجت بنينه وخفيفه انشاء الله نجرب طريقة الفرينه جزاك الله خيرا

حبيتي نورت موضوعي
بالنسبة للوصفة اجي خفيفة وتقدري تحطي جلبانة مفورة تزدلها البنة وبصحتكم


__________________________________________________ __________

>>>> الرد الرابع :

بارك الله فيك صح بنينة حنا نقولولها السفيرية

نتاعك معمرة بالخضر وهدي طريقة مليحة باش لولاد ياكلوها بلا ما يفيقوا

__________________________________________________ __________

>>>> الرد الخامس :

المشاركة الأصلية كتبت بواسطة prettywoman
أم أسلام واية أين انت الحمد لله على الرجوع افتقدناك شكرا على الوصفة الخفيفة والمفيدة نجربها نشا الله

واش راكي حبيبتي prettywoman لاباس حتى انا اتقدتكن
سبب غيابي هوانقطاع النات ثم تعرضي لحادث في المطبخ لكن الان راني مليحةالحمدلله وارجعت معكن باذن الله لنفيد ونستفيد مع بعضنا البعض

تحياتي حبيبتي