عنوان الموضوع : اللوبياء الحمراء طبق جزائري
مقدم من طرف منتديات العندليب

السلام عليكم

ارجومن كل سبق لها وان طبخت اللووبياء الحمراء تعطيني الطريقة .......وشكرا
لا تبخلوا علي بردودكن .......صح فطوركم.


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

كنت ننتظر باه نلقى كاش وصفة .....لكن لقيت 120الي شاهدوا الموضوع وماكان والو
واقيلا اللوبياء الحمراء ناقصين بزاف الوصفات تاوعها ......زيدو شوفوا برك...نستفاد انا وانتم ......بعد لفطور نعاود نرجع نضرب طلة كشما توجدولي

__________________________________________________ __________

>>>> الرد الثاني :

صح فطوركم مسبقا
بخصوص لوبياء الخضراء ماعنديش اي وصفة
لان اصلا مانشروهاش
ان شاء الله الاخوات يجاوبوك

__________________________________________________ __________

>>>> الرد الثالث :

بنت اولاد نايل غلبك رمضان اليوم ؟ انا راني نحوس على وصفات اللوبياء الحمراء وانت راكي جاوبتيني على الخضراء .... راقبي روحك مليح مليح كشما تحكمي قط ...مع صحاب الكوزينة.............ههههههههههههه...صح رمضانك.

__________________________________________________ __________

>>>> الرد الرابع :

يا سوسو يا طموحة تقصدي لوبيا قريني ساهلة

مقادير 1كلغ لوبيا قلي اللحم في الزيت والملح وبعد ضيفي البصل

والثوم والتوابل والطماطم حوالي ملعقة اكل وكل مرة تقلي مليح

وقلي معاها شوية كرافس راح تجيك بنينة

اللوبيا نقيها وغليها مرة وحدة في الماء باش ما تجيكش المرق لونه مش مليح

وبعد مرقي البرمة تاعك بالماء السخون وضيفي اللوبيا واغلقي عليها

وقدميها بالدبشة لان المرق الاحمر يقدم مع الدبشة ام الابيض مع المعدنوس

__________________________________________________ __________

>>>> الرد الخامس :

المشاركة الأصلية كتبت بواسطة سوسو الطموحة
بنت اولاد نايل غلبك رمضان اليوم ؟ انا راني نحوس على وصفات اللوبياء الحمراء وانت راكي جاوبتيني على الخضراء .... راقبي روحك مليح مليح كشما تحكمي قط ...مع صحاب الكوزينة.............ههههههههههههه...صح رمضانك.


السلام عليكم
لا خيتى حسبت تقصدى لوبياء بالمرقة حمراء
صح رمضانكم