السلام عليكم ورحمة الله وبركاته
أولا .. صح رمضانكم ( هههه علابالي راني روطار بصح معليش
)
ليوم حبيت نشارككم بطريقة تحضير الشخشوخة بيدي أمي الغالية ربي يحفظها ان شاء الله .. وان شاء الله تعجبكم
نبداو على بركة الله
العجينة .. ساهلة ..
..
دقيق + ماء + ملح
تعجنيها مليييييييييح
وتكوريها وتحطيها في سينية وتغطيها بكيس بلاستيكي باه ما تنشفش
مبعد تحطي النشا على المساحة لي رايحة تخدمي عليها .. وتحطي كرية وتزيدي فوقها النشا ( راهي تلصق
)
وتقرصيها بالحلالة .. ديريها رقيييقة .. تكون افضل
والى الطاجين
( طاجين الحديد تاع المسمن )
طيبيها من الجيهتين
راهي تكون طرية ..
الوجهة : السيار
حكيها بمغرفة تاع اكل
ومبعد حكيها بيدك .. تكون تقسمت مربعات مربعات .. بالمغرفة
وهذه النتيجة
عقبيها في السيار باه تنحي الفرتات الصغير ( كيما البربوشة : الكسكس )
فوريها .. وفرشيلها في بلاصة نظيفة تيبس (تجف )
وبصحتك الشخشوخة
مضمونة ونظيفة
شخشوخة العيد هذه السنة ان شاء الله .. حضريها في بيتك ^ ^ طبق جزائري
رد مع اقتباس
