عنوان الموضوع : فارميسال (دويدة) بالجاج من مطبخي
مقدم من طرف منتديات العندليب

السلام عليكم ورحمة الله تعالى وبركاته
اختي سيسي اتفضلي الوصفة
في قدرة تحطي طراف الجاج تاوعك +بصلة كبيرة رابي+ راس توم رابي+ شوية زبدة+ملح+فلفل أحكل وتقلي مليح

ومبعد زيدي الحمص ومرقي ب4 كيسان ماء


مبعد جيبي 500غ فارميسال ديريلها زوج مغارف زيت وحطيها فالكسكاس تفور

كي تفور نحيها من الكيكاس ورشيها بكاس ماء فيه شوية ملح و زيدي رديها تفور الفورة التانية

بعدها زيدي نحيها ورشيها بشوية تاع المرقة وديريلها شوية زبدة وترديها تالتة فورة ..في نفس الوقت تقدري تحضري ليبولات تاع لحم مرحي وتزيديها للمرقة انا هاذ المرة ماكانش عندي مادرتش
وفي الاخير تنحي قطع الجاج تاعك و الحمص تزيدي كاس ماء للمرقة تخليها تغلي شوية
أما الفارميسال تاعك تديريلها الزبدة ومبعد تجمريها بالمرقة وتزينيها بالجاج والبيض



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

يعطيك الصحة

__________________________________________________ __________

>>>> الرد الثاني :

يعطيك الصحة شهيتيني كانت اول مواضيعي بصح ماصورتهاش وانت قمت بالواجب درتيها بيضا احنا نديروها حمرة

__________________________________________________ __________

>>>> الرد الثالث :

روووووووعة يعطيك ألف عافية
جاتك هايلة شهيتيني

__________________________________________________ __________

>>>> الرد الرابع :

بارك الله فيك وبصحتكم

__________________________________________________ __________

>>>> الرد الخامس :

يعطيك الصحة