عنوان الموضوع : حساء سهل بالخضر واللحم المرحي من مطبخي
مقدم من طرف منتديات العندليب

السلام عليكم جميعا
سبق وأن وضعتهذا الموضوع لكنه لم يكن مزودا بصور،أخيرا نجحت في اظهار الصور
حساء خضر باللحم المرحي
تفضلوا:
حبة بصل كبيرة،2 حبات جزر،حبة كورجات كبيرة،2 حبات بطاطا متوسطين وفصوص ثوم حسب الرغبة،قصبر ومعدنوس

لحم مرحي حسب القدرة

تتبليه بفصوص ثوم،شوية ملح،معدنوس وحرور

من بعد تشكلي كريات صغيرة بهاذ الحجم تقريبا لخاطر رايحة تتكمش ومن بعد


من جهة اخرى تقطعي البصل والثوم وتقليهم في الزيت مع بعض معليش يكونوا كبار الحجم لخاطر من بعد رايحين يترحاو
نضيفوا الخضرة

نضيفوا الطماطم حبة كبيرة،ونزيدوا التوابل والملح والطماطم المصبرة

نضيفوا الماء ونخلوا الخضرة تطيب حوالي نصف ساعة
من بعد نرحوا الخضرة في الرحى العادية

ونضيفوا كريات اللحم المرحي

ونخلوا الحساء يخثار ،ونتحصلوا على هذا


مع خبز الدار

،ان شاء الله يعجبكم هو حساء ساهل وبنين ونقدروا نديروه في مكان الحريرة






>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

بارك الله فيك

__________________________________________________ __________

>>>> الرد الثاني :

تعيسي قوليلي وش من التوابل لدرتهم قع؟؟

__________________________________________________ __________

>>>> الرد الثالث :

المشاركة الأصلية كتبت بواسطة بسمة تحدي
بارك الله فيك

المشاركة الأصلية كتبت بواسطة بسمة تحدي
تعيسي قوليلي وش من التوابل لدرتهم قع؟؟

وفيك بارك الله أختي بسمة
شوفي هاذو التوابل هايلين جابهملي واحد من مغنية(تلمسان) روعة روعة،فيهم راس الحانوت،السكنجبير الكركم،الحرور،الكمون وشوية كروية،وقبل ماتطفي زيدي راس الحانوت باش تبقى بنته
ان شاء الله تجربيه ويعجبك
شكرا لك


__________________________________________________ __________

>>>> الرد الرابع :

المشاركة الأصلية كتبت بواسطة *أمنيآت لآمتنآهية*
وفيك بارك الله أختي بسمة
شوفي هاذو التوابل هايلين جابهملي واحد من مغنية(تلمسان) روعة روعة،فيهم راس الحانوت،السكنجبير الكركم،الحرور،الكمون وشوية كروية،وقبل ماتطفي زيدي راس الحانوت باش تبقى بنته
ان شاء الله تجربيه ويعجبك
شكرا لك

باذن الله نجربها ربي يعطيك ما تتمني

__________________________________________________ __________

>>>> الرد الخامس :

المشاركة الأصلية كتبت بواسطة بسمة تحدي
باذن الله نجربها ربي يعطيك ما تتمني

ان شاء الله أختي بسمة،جربيها ويارب تعجبك
آمين يارب العالمين،وانت ثاني ربي يعطيلك ما تتمناي
شكرا لك مجددا