عنوان الموضوع : اللي تعرف تقولي المطبخ الجزائري
مقدم من طرف منتديات العندليب

اللي تعرف تقلي انا كل مانشري الحوت المكنجلي كيما ليسبادا يتفتتلي في المقلى رغم ان المقلى انتاعي تيفال وماتلسقش ياريت اللي تعرف كيفاش يندار توليلي ولها مني دعوة شابة ومقبولة عند الله ايه وتقلي شحال نخليه يذوب على خاطر يطلق بزاف الماء وحتى الطريقة وشكرا مسبقا


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

والله ما نعرف يا اختي. اصبري شوية ضرك يردو عليك الاخوات

__________________________________________________ __________

>>>> الرد الثاني :

شكرا على الهتمام اختي

خسارة كنت حابة نعرف معليش

__________________________________________________ __________

>>>> الرد الثالث :

مساء الخير
انا نجبدو بوقت طوييل حتى يذوب لما تاعو اكل
مبعد ندير خلطة تع كمون ملح موتارد زيت زيتون ونخليه فيها فالثلاجة حتى وقت القلي
نديرو فالفرينة ونقليه
ولا حبيتي زيدي اغطسيه فالبيض ومبعد شابلوغ واقليه
والفرينة وحدها تكفي
هاذي طريقتي نتمنى نكون افدتك

__________________________________________________ __________

>>>> الرد الرابع :

نحن ليسبادون الطري نشويوه و لا نفليه

__________________________________________________ __________

>>>> الرد الخامس :

السلام عليكم
اختي انا قبل ما نطيبو بليلة نديكونجليه و نقطرو من الماء تاعو و من بعد نديرلو بصلة صغيرة سنينات ثوم شوية كرافس شوية دبشة فلفل اسود ملح و كمون و طماطم حب مرحية و نغطيه بالبلاستك و نخليه طول الليل في التتبيلة
و الغدوة نزيد نصفيه من الماء لي يزيد يدير فيه و نحطو في الفرينة من بعد في البيض و اخيرا في لاشبلير و نقلي في زيت غزير و غليان
ما يتفتتش و يجي بنين و يتقرمش من البرا و طري من الداخل