عنوان الموضوع : عاجل لي ام رامي
مقدم من طرف منتديات العندليب

السلام عليكم ام رامي انا بعجبة كثيرة من وصفاتك وجربت الكثير منها وكانت ناجحة 100بي100
وانا اليوم حابة نطلب منك طلب بسيط وهو عجينة الهمبرغر اريد ان اجرب عمل الهمبرغر وانا لا اضمن الوصفات لي مكتوبة في الانترنت وحابة ان اجربها منك لاني اثق كثيرا في وصفاتك ونجاحها
اذا كنتي مجربتها اكتبيلي المقادير وطريقة العمل من فظلك

انا انتضر ردك اختي ام رامي


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

مساء لخير اختي

صح الطلب تاعك خاص لام رامي لكن حبيت نساعدك لانو انا لبارح برك طيبت هامبرغر وخرجتي يهبل والبنة مانحكيلكش والمقادير تاع لعجينة :
*5كيسان فرينة
*نص كاس زيت
*2ملاعق كبار خميرة الخبز
*1باكي لالوفوغ levure chimique
*فنجال سكر
*ملح حسب الرغبة

طريقة التحضير


خلطي كل المكونات على جيه الفرينة +الملح +لالوفوغ + الخميرة +الزيت +السكر و الماء ديري بشوية حتى تنطم العجينة
وديريها لوزات متوسطين وخليها تتخمر ومن باعد ادهنيها من الفوق بصفار البيض وديريها السانوج ولا الجلجلان وحطيها في الفرن حتى اطيب وكي تبرد افتحيها بجنب شوية واحشيها

اما الحشو تاعها على حساب واش عندك وواش تحبي انا درت فيهم فيونداشي واكيد يكون مداوي "بيضة +معدنوس+ملح+توابل" وبطاطا مقلية "مربعات صغيرة" + كاشير رابي + صوص طومات + فلفل مقلي + بيض مسلوق ومقطع قطع صغيرة + زيتون اخضر مقطع + فورماج

ان شاء الله نكون افدتك ولو بلقليل واسمحيلي على التدخل

__________________________________________________ __________

>>>> الرد الثاني :

مشكورة حبيبة حتى انا كنت نبحث على الوصفة حتى عيوني وجعوني

__________________________________________________ __________

>>>> الرد الثالث :

المشاركة الأصلية كتبت بواسطة meriama13
مشكورة حبيبة حتى انا كنت نبحث على الوصفة حتى عيوني وجعوني

سلامة عينيك حنونة

__________________________________________________ __________

>>>> الرد الرابع :

صحيتي اختي ربي يحفظك ان شاء الله نجرب الوصفة نتاعك ونردلك خبر

__________________________________________________ __________

>>>> الرد الخامس :

اختي بسملة انا جربت وصفة لقيتها هنا في المنتدى للاخت:أم إيادأحمدأمين واقسم لك انو خرجلي رووووووعة وهاوليك رابط الوصفة:https://www.djelfa.info/vb/showthread.php?t=426951
درتو بنفس المقادير فقط مادرتلوش الزبدة وخرجلي هايل وراني دايما نخدمو بهذه الكيفية جربيه وردلي الخبر