عنوان الموضوع : **من اكلاتنا التقليدية مسمن الشحمة المورق يم يم **
مقدم من طرف منتديات العندليب

السلام عليكم

اخواتي اليوم جبتلكم طريقتي في صنع مسمن الشحمة اللي مشهور في منطقتنا و راه لذيذ بزااااف نتمنى يعجبكم
نحضر عجين المسمن او كاين اللي يقولولو المعارك او الملوي او المدلوك عندو عدة تسميات
; و نديروه بولات
لكل خبزة ندير 1 كبيرة و 4 صغار


نكونوا وجدنا من قبل الشحم تاعنا
(كي يكون جديد و نحوه من الكبش نديرولو الملح و نيبسوه ثم ندقوه ثم نديرلو الحار و الكمون و الفلفة الحمراء و الثوم كثري ) ثم ندخل المكونات في بعض بيديا


في صحن مبسوط ندير شوية زيت و نحل كويرة صغيرة من العجين و نبدا نرص الشحم عليها مثل ما راه موضح




ثم نزيد كويرة عجين صغيرة بعدما نكون حليتها و نزيد الشحمة ثم نزيد الكويرة الثالثة ثم الشحم ثم ندير الكويرة الرابعة


انا مادرتش كامل المراحل المهم هادي هيا المرحلة الاخيرة


بعدما كملنا مع لي بول الصغار نروح للكويرة الكبيرة اللي خليناها نفتحوها مليح و على شكل دائري كبير


ثم ندير الطبقات الاربع في وسط الكبيرة و نبدا نغلق فيها مثل ما راه موضح




كي نغلقها نبدا نعجن فيها و نكبرها

و نطيبها على طاجين من الجهتين




تفضلواااااااااااا


نتمنى تعجبكم
سلااااام




>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

راهي تشهي يعطيك الصحة
بالنسبة للعجينات 4 لداخل يطيبو ميبقاوش خضر

__________________________________________________ __________

>>>> الرد الثاني :

يعطيك الصحة كنت نتخيل في الشحم فيونداشي خاطرش مانحبش الشحم ومانقدرش ناكلو
مي خرجلك هايل
نحب وصفاتك هايلين

__________________________________________________ __________

>>>> الرد الثالث :

المشاركة الأصلية كتبت بواسطة الصوامعية
راهي تشهي يعطيك الصحة
بالنسبة للعجينات 4 لداخل يطيبو ميبقاوش خضر

ربي يخليك اختي الصوامعية
العجينات الاربعة ياك يكون دي بول صغار و من بعد كي نغلفوهم بالكبيرة نعجنوهم يعني نرققوهم و نديرهم على طاجين نار متوسطة و نخليهم يطيبوا و يطيبو من الداخل عادي و يجو الله الله عليهم


__________________________________________________ __________

>>>> الرد الرابع :

المشاركة الأصلية كتبت بواسطة مونية ك
يعطيك الصحة كنت نتخيل في الشحم فيونداشي خاطرش مانحبش الشحم ومانقدرش ناكلو
مي خرجلك هايل
نحب وصفاتك هايلين

ربي يخليك مونية انا تاني ما نحبش ناكلو بصح عندي زوج طرق ناكلهم بيه هاد الاكلة و اكلة تاع ارز درتها مرة

__________________________________________________ __________

>>>> الرد الخامس :

ماشاء الله ما احلى تقاليدنا نشكرك على الوصفة اختي الكريمة