عنوان الموضوع : الروز بالفقاع طريقة جزائرية
مقدم من طرف منتديات العندليب



السلام عليكم
اولا الروز فى الكوكوت ناخد الكيلة تاع الروز +2كيلات ماء+2مغارف زيت+ملح ونغلق الكوكوت كتبدا تصفر نقص عليها النار ونخليه اطيب لمدة 20دقيقة على نار هادئة جدا رايح تلقايه طايب مليح وكل حبة وحدها انا نستعمل الروز مفور والكمية تتضاعف كلما زاد افراد الاسرة ثم ندهنوه بزبدة ستار مثلا وميجيش بالمارغرين او سمن لازم زبدة
المرقة
ناخ حبة بصل كبيرة شوية +ثوم انا نحب الثوم لهدا ندير راس كامل+حمص مشمخ +زيت ملح فلفل اسود+1جمبو دجاج اطراف الدجاج ونخليهم يتقلاو مليح حتى يبدا يلصق ويولى لون البصل بنى ثم نزيد علبة الفقاع ومنبعدها نمرق بحوالى كاسين ونخلى عليها تطيب مليح ولازم تكون خاثرة المرقة كتطيب اجى بنينة بزاف والديكور كل واحد كفاش ادير لمستها وشهية طيبة


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

هايلة و الديكور شباب
كيفاش درتيها

__________________________________________________ __________

>>>> الرد الثاني :

الله يبارك كيفاش درتيها؟

__________________________________________________ __________

>>>> الرد الثالث :

يعطيك الصحة وبصحتكم لكن ماهي وصفة صوص الفقاع والروز كيف طبخته نورينا

__________________________________________________ __________

>>>> الرد الرابع :

انشاء الله انكون فهمتكم كفاه

__________________________________________________ __________

>>>> الرد الخامس :