عنوان الموضوع : أكلة بسكرية 100/100 ** البردانين و الجوعانين و الزعفانين يدخلو**
مقدم من طرف منتديات العندليب

السلام عليكم و رحمة الله تعالى و بركاته

صباحكم بالخير و الهناء حراير المنتدى

هاد اول مشاركة ليا في قسم الطبخ
ان شاء الله تتقبلوني اخت ليكم و تعجبكم طياباتي
و ياله كثرولي المشاركات باش نكثرلكم من الحطات

اليوم مع البرد القارص جبتلكم اكلة مش مكلفة خلاص و ساهلة و سريعة التحضير و اهم حاجة بنيييييييينة بنة عظيمة

تشيشة مرمز



حق نسيت نقولكم راهي تمسح القلب من الدمار و مشاغل الحياة هيهيهيهيهيهيه
و شوفو وين سقيتهالكم في قصعة الجدود

هادو كل مستلزماتها
الرقاق و المرقة "التشيشة" و الزينة انتاعها



هاد الرقاق طبعا هو دقيق و ملح و يتعجن مليح او بتيه "يعني بليه و خليه يرتاح" راح يجيك سهل في عجينتو و بعدين تلوحيه رقيق على الطاوة "طاجين الحديد"
انا فتتو كبير شوية راني مزروبة باش ناكل



و هادي المرقة
من اسهل ما يكون تلوحي في برمة او كوكوت اللفت "الخردل" و الفول الأخضر يغلو في الماء لما يعودو نص طياب لوحيلهو التشيشة مرمز المغسولة لما تعود على نص طياب تلوحي الدوزينة الي تكوني وجدتيها بـ
طماطم حب مقطعين و معصورين باليد، راس ثوم مهرس، شوية شحمة، ملح، فلفل اخضر حار مهرس بالمهراس طبعا
اما طماطم لباطة فهي اختيارية
تخليهم يغلو مليح و يدخل فيهم الدواء تاعهم و تطفي



على ما طفي ياله سقي و زينيها



و كولي







هاه وش رايكم عجبتكم
ياو غير شجعوني و ردو عليا


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

ya hanounaaaaaa koun ghir jiti godami hhhhh nakolha kamla wahdi
ya3tik saha

__________________________________________________ __________

>>>> الرد الثاني :

واش هاذ الشي يا اريج دخلتي علينا دخلة مجهدة و الله غير يعطيك الصحة
قصعة و عليها لكلام زدتي كملتي عليا بالجوع ..ههههه
الله يسلم هاذوك ليدين

__________________________________________________ __________

>>>> الرد الثالث :

هاذي مدة و انا نستنا فهذ اللحظة و اخيرا ....
يعطيك الصحة يااريج و الله غير شهيتينا في هذ البرد حرام عليك
قصعة كاملة و مكمولة وزيد هذيك الحطة ماخليتيلي ما تقول
اصدق لي قال الجديد حبو و القديم ما تفرطش فيه
تاكلوها بالصحة و الراحة


__________________________________________________ __________

>>>> الرد الرابع :

هاني جيت ، بردانة وجيعانة وزعفانة خلي نبرد قلبي

واش نقلك لا تقاوم مممممممم وقصعة الجدود تهبل كون تبعثيهالي بللي فيها

يم يم يم يمييييي يعطيك الصحة وبصحتكم



__________________________________________________ __________

>>>> الرد الخامس :

تعيشو حباباتي تعيشو
منى و صليحة و طيمة
و ربي يدوم لمتنا و جمعتنا بالخير و الفرح و السرور
يعطيكم الصحة ردودكم فرحتنييييييييييي ياسر ياسر