عنوان الموضوع : طبيخة فول بالجلبانة من مطبخي
مقدم من طرف منتديات العندليب




المقادير :

فول منظف ومقطع
جلبانة
اعواد نعناع
بصل مبشور
حوالي5 سنينات ثوم
توابل فلفل اسود،ابيض كركم وملح
قطعة جومبو دجاج
معدنوس

طريقة التحضير:

في طنجرة نضع الفول والبصل والتوم وعود نعناع وشويا ماء وزيت
ونحمس الكل حتى يذبل البصل ماتبلغيش فالتحماس نضيف التوابل والجومبو ومعدنوس نمزج الكل ثم نمرقها قليلا ونضيف الجلبانة لما تغلى شويا نزيد نمرقها حتى يتغطي الفول ونخليها تطـــــــــبخ الى ان ينضج كل من الفول والجلبانة وتتخثر المرق وفي الاخير ضيفي فصين ثوم واوراق نعناع و اطفي لها


حنا نقولولها طبيخة فول بالجلبانة ونتوما واش تقولولها؟؟؟؟؟؟




>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

الله الله على هذيك التبيخة فكرتينا فالربيع والأجواء الدافئة
ووفرة الجلبانة والفول والقرنون
تكليها بالصحة والهنا

__________________________________________________ __________

>>>> الرد الثاني :

يعطيك الصحة يا الشاطرة

احنا زاد نسميوها التبيخة
كيما طريقتك بصح نزيدولها القرنون
ومانديرولهاش الكركم والجومبو


__________________________________________________ __________

>>>> الرد الثالث :

يعطيك الصحة أختي راهي تشهي شكرا

__________________________________________________ __________

>>>> الرد الرابع :

المشاركة الأصلية كتبت بواسطة خربشة ناعمة
يعطيك الصحة يا الشاطرة

احنا زاد نسميوها التبيخة
كيما طريقتك بصح نزيدولها القرنون
ومانديرولهاش الكركم والجومبو

هههههههه هادوك انا زدتهوم يعني لمستي

__________________________________________________ __________

>>>> الرد الخامس :

يعطيك الصحة ، أنا ما نعرفهاش ، أول مرة نشوفها ولكن باينة بنينة