عنوان الموضوع : شكون تساعدني في شخشوخة الظفر؟عاجل طريقة جزائرية
مقدم من طرف منتديات العندليب

السلام عليكم حبيباتي
ممكن تعطيوني الطريقة الصحيحة لي يجمرو بيها شخشوخة الظفر لو سمحتم
وشكرا لكن اخواتي.


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

__________________________________________________ __________

>>>> الرد الثاني :

سلام حبيبتي مافهمتش واش تقصدي الا علي الطياب بعد ما تكوني فورتيها كما التليتلي بنفس الطريقة حطي المرقة علي نار متوسطة ولوحي الشخشوخة خليها تتشربحتي تنشف وضيفيلها زبدة ولادهان كما تحبي وبعدها غطيها لمدة وبعدها فرعيها في صحن وزينيها بالخضر الي ذرتي معاها والحمص واللحم مع انو بالدجاج تجي احلي أتمني اكون أفدتك حبيبتي

__________________________________________________ __________

>>>> الرد الثالث :

بطريقة التليتلي
حطي الشخشوخة في طنجرة عريضة وسقيها بالمرقة وحدها بلاحمص أوخضر
وحركي في نفس الوقت فوق النار بلاما تعجنيها بعد ماتشرب حطي فوقها الزبدة

__________________________________________________ __________

>>>> الرد الرابع :

السلام عليكم

أما عن طريقتنا

وتجي كل حبة وحدها الله الله

شوفي حطي لمرقة في حاجة كبيرة وحطيها على نار وحطي معاها الزبدة

وخليها حتى تغلي

أرمي فيها شخشوخة

(تكون الشحشوخة عايمة فلمرقة بالصح مش بزاااف باش ما تبقالكش جارية ومش شوية بش ماتنشفلكش)


مام با دقيقة هكاك تغلي وطفي بعد

وغطيها مليح وخليها تشرب ... مبعد قدميها

وصحاليييكم


__________________________________________________ __________

>>>> الرد الخامس :

شوفي اختي ميمة الشخشوخة خليها عليا اني خبيرة في صناعتها
المهم حطي المرقة في كاسرونة كبيرة ولا في مقلا مناه انا نحب نجمر في المقلة وخلي المرقة تسسخن مليح ومن بعد حطي الشخشوخة فيها وزيدي شوية تاع طماطم تاع الباطة قيمة نصف مغرفة تاع العشا +لهريسة تاع المشرى والفلفل الاكحل يعني كيما تاكلو لحرور
وكي تقرب تجمر حطي فيها شوية الزبدة
وخلي فيها شوية تاع مرقة مناه كي تجي جارية خير يعني ماتجمريش على الشايح
جربيها ورديلي
وبصحتك