تطبيقي الفاشل ل..... طبخ جزائري
عنوان الموضوع : تطبيقي الفاشل ل..... طبخ جزائري
مقدم من طرف منتديات العندليب
طبقت وصفة تحضير اوراق الديول لوالدة الاخت norhane taha و طبقت الوصفة بحدافيرها
وانا فرحانة و قلت راح تصلحلي الديول شوفو الصور
هادا العجين نتاعي بعد الدلك
من باعد خليتو نصف ساعة كيما قالت و رجعت رخفتو بالما البارد كيما تشوفو
و هادي عجينتي الاسطورية
وهنا الكارثة كي بديت نطيب
كل ماندير العجين في مقلاة الخاصة منين يبدا ينشف .ينشف و هو مفتت خلاص و اصبت بخيبة املي الكبيرة
و اصبحت
والاخرون
مافهمتش علاه نتمنى تجاوبني الاخت و ادا تعرفو جاوبوني هادي صور الطياب
:con fused:
وهادي كي تتفتت
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
والله يا ختي ما نعرف ما عليش ممكن نوعية الدقيق جربي وصفة أخرى و ان شاء الله تصلحلك
__________________________________________________ __________
>>>> الرد الثاني :
hhhh mais lazem teji sayla chuia machi heka
inchlh yjiw yfidouk ya 3omri fakartini f les degats li kont ndirhom wmazalni ndirhom hhhh
__________________________________________________ __________
>>>> الرد الثالث :
انا جبلي ربي المقلة اللي راكي تخدمي بيها السطح نتاعها فيه حبيبات و هي لازم تندار في مقلة ذات سطح املس خاطرش هذيك المقلة انا عندي وحدة البيض و يلصق فيها و الله اعلم و دوك يجو صحاب الخبرة يفيدوك
متزعفيش حبيبتي خيرها في غيرها
__________________________________________________ __________
>>>> الرد الرابع :
ماعليش ان شاء الله المرة الجاية تصدق لك
__________________________________________________ __________
>>>> الرد الخامس :
حبيبتي أنا مانتجرأش نخدم الديول في حياتي نشريهم وخلاص وعلاه التعب والأعصاب ربي معاك وخيرها في غيرها حنونة وماتقلقيش حبيبتي
رد مع اقتباس
