عنوان الموضوع : ماهو سرلمرارة تاع لملوخية طريقة جزائرية
مقدم من طرف منتديات العندليب

ربي يعيشكم كامل لي غديتولي والله شجعتوني الليلة درت روز لوصفة هزيتها من لمنتدى مع دجاج محمر وغدوى نشاء الله قررت ندير دوبارة بسكرية وحبيت تنصحوني واش نزيد معاها وزيد حبيت نديرلو حاجة حلوة راني حابة نبين روحي تعيشوا عاونوني و حبيت نعرف كيفاه نطيب لملوخية وما تجيش مرة أنا وين نطيبها تجيني مرة مع أني نستعمل الذواقة لأني منعرفش هذيك تاع الميزان إذا مليحة ولا ميش مليحة


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

الملوخية كي تتحرق تجي مرة
هي تطيب على نار قليييييلة
وتدوم حوالي ساعتين ونصف مع التحريك مرة على مرة

__________________________________________________ __________

>>>> الرد الثاني :

كيما قالت ام كوثر ماتخليهاش تتحرق او تلصق والذواقة هي النوع الممتاز نتاع الميزان مش مليحة بالنسبة لي طبعاالناس اذواق

__________________________________________________ __________

>>>> الرد الثالث :

المرارة دجي على حسب نوع الملوخية اشري الذواقة نتع تونس ماشي الذواقة نتع الجزائر نتع تونس دجي خضراء والشكارة نتعها لونها اخضر عكس نتع الجزائر لونها اخضر باهت وشكارتها ايضا لونها اخضر باهت بالنسبةنتع الميزان كاين الحلوة او كاين المرة انت وزهرك

__________________________________________________ __________

>>>> الرد الرابع :

كان عندي نفس المشكل لكن حسب رايي هاهم الاسباب


الثوم المكون الرئيسي كثري منو والا قبل ما طفي بربع ساعة رابي 2سنينات ثوم


الملوخية تحب اللحم وخاصة البقري ساعات انجيب لعظومة تاع لكراوع والا جامبو بقر باه الطعم يتحسن كذلك التوابل]
و كيما قالو الاخوات طيبيها على نار قليلة


__________________________________________________ __________

>>>> الرد الخامس :

ربي يعيشكم كامل والله نستعمل الذواقة تاع تونس ونطيبها باللحم وديما تجيني مرة إذا سمحتوا ممكن تشرحولي كيفاه طيبوها بالتفصيل ممكن تكون عندي غلطة