كيك مالح الخفة والبنة المطبخ الجزائري
عنوان الموضوع : كيك مالح الخفة والبنة المطبخ الجزائري
مقدم من طرف منتديات العندليب
طبقي للغداء لليوم كيك المالح بالطماطم , الجبن , الزيتون , دجاج ويجي خفيف وبنين حبيت نفيدكم بالوصفة ومع الصور طبعا من مبطخي
المقادير :
كاس سميد
كاس فرينة
2 ملاعق كبيرة زيت
بياض بيضة واحدة
ملعقة كبيرة خميرة الخبز
ملعقة كبيرة سكر
2ملاعق صغيرة ملح { ملعقة للسميد وملعقة للفرينة كيما في الصورة }
فنجان حليب دافي
أولا : في وعاء نحط سميد + ملح ونبلو بالماء حتى يتلم ويكون شوي متخوم يعني العجينة تكون مبللة وتحطية بكيس ونخليه يرتاح
في كاس نخلط الحليب الدافي + الخميرة + السكر نخليهم يطلعو
ونوجد الطماطم المقطعة مربعات + زيتون مقطع + جبن + دجاج مفتت طايب في المقلاة مع شوي توابل وثوم
من بعد كي تطلع الخميرة نصبها فوق السميد ونحاول ندخل العجينة في بعضاها من دون أي قوة باش ميروحش مفعول الخميرة
ونزيدلهم الفرينة مع الملح + بياض البيضة والاصفر نحتفظ بيه للدهن في الاخير
ونعجن مليح لمدة 10 د ونتخمها وكل ما نعجن نسقيها بالماء الدافي طبعا ونحلها اي نفردها بيدي ونحط مكونات الحشوة فوقا ونروليها
ندهن المول بالزبدة ونرش الفرينة
ونحط الرولو في المول ونخليها تتخمر لمدة 45د
من بعد ندهنو بصفار البيضة وشوييييييي قهوة لكي تتحمر مليح
ونحطو يطيب وهذه النتيجة
هذا من الداخل ممممممممم
وتقدميه مع حساء الخضر
وانشاء الله يعجبكم تحياتي
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
أين الردود يا بنات
__________________________________________________ __________
>>>> الرد الثاني :
شكراعلى الوصفة بارك الله فيك
__________________________________________________ __________
>>>> الرد الثالث :
و الله يا أختي راني وليت مدمنة على مواضيعك يعطيك الصحة على الوصفات طبق رائع خليلي شوية نقطع البحر و نجيك
__________________________________________________ __________
>>>> الرد الرابع :
ههههههههههه لك ألف شكر يا أختي أم اسماعيل
__________________________________________________ __________
>>>> الرد الخامس :
شكرا على الوصفة بارك الله فيك
رد مع اقتباس
