عنوان الموضوع : *-*محشي بيض رابي بدون زنخة*-*من مطبخي طبخ جزائري
مقدم من طرف منتديات العندليب

ا


تعودنا على وحد الأكلة نعملوها حنا نعيطولها عين السبانيولية أكيد تعرفوها ممكن بإسم آخر

هي بيض مغلي منزوع القشر و ملفوف باللحم المرحي هو شكلو روعة و مذاقو كذلك لكن فيه مشكلة أنو البيض تبقى فيه زنخة نتاعو أي الريحة و بالتالي أنا عندي في الدار ما يحبوهش

درتهولهم بطريقة جديدة و كلاوه بلا ما يحسو بهذيك الزنخة نتاع البيض




المقادير

العقدة الأولى

-لحم مرحي سواء دجاج أو خروف متبل بالفلفل الأسود و مضاف له 1 م ك بصل مرحي + شوية ثوم + شوية خبز مرحي +ملح + كسبرة مقطعة + معدنوس مقطع+ نصف بيضة مخفوقة تكون طرية


[IMG][/IMG]
العقدة الثانية:


- حبة أو 2 حبات بيض مغلى و مبشور في الخشين حسب كمية اللحم المرحي + جبن مبشور (سواء قرويار أو شيدار أوحتى نتاع القطع لافاش كيري)+ فلفل أسود + ملح+ ربع ملعقة كسبرة يابسة مرحية + كسبرة مقطعة + معدنوس مقطع + النصف الآخر للبيضة المخفوقة كذلك تكون طرية


[IMG][/IMG]

خذي اللحم المرحي كمية كبيرة شوية و أعملي حفرة و ضعي خلطة البيض و أغلقي الكويرة

راح تكون بهاذ الشكل


[IMG][/IMG]


[IMG][/IMG]

تكوني عملتي مرق سواء نتاع مونج تو ( اللوبيا الخضرا) أو جلبانة أو حتى صوص حمراء باللحم أو الدجاج و ضعي الكريات تطبخ فيها


[IMG][/IMG]


كي تطيب أقسمي الحبة على زوج و حمريها باش تدي لون

أو حمريها بلا ما تقسمي و من بعد قصيها على 2 باش يبان الحشو


[IMG][/IMG]


[IMG][/IMG]


و سربيها مع عصرة قارص و شوية كسبرة مقطعة أو معدنوس مقطع



نضمنلك 100% بإذن الله ما راحش تبقى الزنخة نتاع البيض

و البنة هايلة خاصة كي تحمريها تمد لون و طعم هايل



[IMG][/IMG]


دعوة خير بظهر الغيب تكفيني حبيباتي


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

يعطيك الصحة ام اياد والله مافهمت مونج تو هاذي

__________________________________________________ __________

>>>> الرد الثاني :

المشاركة الأصلية كتبت بواسطة أم ماجد
يعطيك الصحة ام اياد والله مافهمت مونج تو هاذي

شكرا لك عزيزتي أم ماجد

المونج تو هي الزاليقو تبانلي نتوما تقولولها هكذا و نقولولها أيضا الوبيا الخضرا عزيزتي

__________________________________________________ __________

>>>> الرد الثالث :

يعطيك الصحة انا تان حابة نعرف مونج تو هادي

__________________________________________________ __________

>>>> الرد الرابع :

المشاركة الأصلية كتبت بواسطة maya07
يعطيك الصحة انا تان حابة نعرف مونج تو هادي

هي اللوبيا الخضرا عزيزتي

شكرا لك منورة حبوبة

__________________________________________________ __________

>>>> الرد الخامس :

يعطيك الصحة طبق بنين وفكرة هايلة ربي يحفضك ويعطيك ما تتمناي