عنوان الموضوع : واخييييرااااا ..... بيتزا كيما اللي تتباع .... طريقة جزائرية
مقدم من طرف منتديات العندليب



السلام عليكم
واخييييرااااا خدمت بيتزا وخرجتلي كيما اللي تتباع حسب ما شكروني انتاع الدار ههههه حوحو يشكر في روحو
لازم تشوفوها وتقولولي رايكم تفضلو


الطريقة //
العجينة / حطي 500 غ فرينة مع ملعقة صغيرة ملح ونص فنجان قهوة زيت مع نص ملعقة كبيرة خميرة الخبز مع ملعقة كبيرة لحظة مع ملعقة كبيرة سكر واعجنيها بالماء الدافئ وخليها تخمار لمدة ساعة ونص امبعد عاودي قرصيها وخليها ترتاح لربع ساعة
لاصوص / درت 2 حبات طماطم مرحيين مع نص ملعقة معجون طماطم مع شوية ملح وشوية فلفل اسود و3 سنينات ثوم وشوية معدنوس
وزدت درت السلق ( حسب ذوقك اولادي احبوه اجي بنييين ) اغسلت الاوراق( بدون غصن ) مليح بالماء وقطعتها قطع صغيرة وخليتها في المقلى مغطية حتى تذبال في الماء انتاعها وامبعد زدتلها شوية زيت باش تتقلى امبعد لاصوص حتى يطيب نص طياب ..( اللي بغات الحرارة تزيد الهريسة ) ..
خلاص الباقي تعرفوه .... خوذي القرصة الاولى اعجنيها وحطي عليها لاصوص ومباشرة الى الفرن ... لازم يكون سخووون ...وقبل ما تطيب نحيها وحطي عليها الزيتون الاسود وفرماج ( انا درت فرماج روج ) وشوية الطون والى الفرن .... وكي طيب زينيها بالمايوناز وكل واحد واش عندو وحسب ذوقو ...... وشهية طيبة
ان شاء الله تجربوها وتردولي بالخبر ....... تحياتي

الديكور ماشي من اختصاصي
وهذي القطعة اللي لكل من تحب البيتزا ههههههه
تحياتي للجميع



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

يعطيك الصحة أختي
من فضلك أعطيني المقادير انا نحبها كما هاك
وبارك الله فيك

__________________________________________________ __________

>>>> الرد الثاني :

مانحبش البيتزا اللي تنباع اللي نديرها بطريقتي ارووووووع

__________________________________________________ __________

>>>> الرد الثالث :

اجاتك روعة ارجوا الوصفة من فضلك

__________________________________________________ __________

>>>> الرد الرابع :

44444444444 momkin la recette svp

__________________________________________________ __________

>>>> الرد الخامس :

بصحتكم وبصحتكم