عنوان الموضوع : طاجين حلو من مطبخي طريقة جزائرية
مقدم من طرف منتديات العندليب



واش راكم أحباتي في هاذ اليوم المبارك يوم جمعة سعيد ليكم انشاء الله جبتلكم اليوم طاجين حلو كيما نديرو أنا حبيت نوريلكم قلت ممكن نفيدكم خاصة مع قروب الشهر الفضيل رمضان انشاء الله نفوتوه بالصحة والهناء نخليكم مع الطريقة والشرح

نحتاجو :
100غ مارغارين
قطعة صغيرة بصلة
3 ملاعق كبيرة سكر تسكار
ملعقة صغيرة ملح
نصف ملعقة صغيرة فلفل أسود
عود قرفة
طرف صغير لحم (اذا تحبي ديري كثر أنا درتو للنكهة برك)
حبات قرنفل
زعفران شعرة اذا حبيتي


الطريقة:
في طنجرة على نار متوسطة حطي الزبدة +المكونات الاخرى كلها كيما باينين في الصورة

ومرقيهم ب2 كيسان ماء


كي يبداو يغليو أعصري شوي ليمون وحركي مرة أو مرتين وغلقي عليها وخليها تغلي مدة 20د



حضري ( عين بقرة، زبيب منقع في الماء، 3/4 كاس سكر، شباح صفرة ،4 حبات خوخ مقشر ومقسوم على 2، ميسكة أنا حطيت 2 حجرات صغار )


هاهي الميسكة تعطي قوام رائع للطاجين الحلو شكلها يشبه للوبان وتذوب في المرق من بعد


الان بعد 20د طفي النار على الطنجرة أنزعي البصل متخليهاش وحضري وعاء وصفاية صفي المرق ورجعي غير اللحم القرفة والقرنفل والبصلة أنزعيهم


زيدي كأس ماء للمرق وأضيفي ( السكر+عين بقرة+ الزبيب)
ورجعيها فوق النار تغلي 10د



زيدي 4 ملاعق كبيرة ماء زهر




هاذي بعد 10د كي تشوفي عين بقرة تنفخت يعني طابت


زيدي الان الخوخ وخليه يغلي حوالي 5 د


منبعد حطي شباح الصفرة وغلقي على الطنجرة حوالي 10د وطفي ومتحركيش بالملعقة أحكمي الطنجرة من المقبض وحركيها شوي برك وخليها حتان وقت التقديم


هاهي قدمتها وانا زدت فيها معجون حبات الفراولة




نتمنى يعجبكم وتجربو طريقتي سهلة والمرق يجي خفييييف وصافي كي الدمعة





>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

أممممممممممممممممممم يعطيك الصحة

__________________________________________________ __________

>>>> الرد الثاني :

يعطيك الصحة.........ممكن طريقتك في تحضير شباح الصفرا ؟

__________________________________________________ __________

>>>> الرد الثالث :

بارك الله فيك هايل ومرقتو هايلة ماهيش غامقة يعطيك الصحة

__________________________________________________ __________

>>>> الرد الرابع :

يعطيك الصحة

__________________________________________________ __________

>>>> الرد الخامس :

حنونا يعطيك الصحة و سلمت اناملك والله ابداع

برك اذ ممكن كيفاه خدمتي شباح الصفرة

و هذي ايضا كيفاه اسمها و منين شريتيها (العطار او ........)

وعلاه درتيها يعني دورها