عنوان الموضوع : اريد نصيحة بخصوص الة فرد العجينة من مطبخي
مقدم من طرف منتديات العندليب

مساء الخير اخواتي ارجوكن اريد نصيحة لانني لعشة رايحة نشري ماشينة الي ترقق العجينة اريد منكن الي عندها تنصحني بالماركة المليحة وكيفاه نعرف الي اصلية وبقداه سومتها ولكان لامكان حطولي صورة
ارجوكن انا في الانتظار واسفة علي الازعاج


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

أختي ننصحك نصيحة وحدة قالتهاالي أختي

لأنو عجوزتها تملك 2 ماركات

واحدة إيطالية و الأخرى شينوية


إذا راح تشري اشري الإيطالية لأنها جيدة و كنت راح نشريها الصيف هذا من العلمة لكن ماكتبش ربي فقط لقيتها ب 450000 لكن في العلمة يعني في الحوانت تكون بسوم أكثر

أما الشينوية حنونة راهي تكون في حوانت الإلكترو ميناجي 350000 عندنا هنا في بسكرة

و سبب عدم جودة الماركة الشينوية أنها ما ترققش العجين كيما يلزم يعني مثلا تحطيها في أصغر فتحة تعطيك عجين بسمك الرقم اللي قبلو في الآلة الإيطالية

هذا نقلا عن تجربة أختي بالماركتين والله أعلم

__________________________________________________ __________

>>>> الرد الثاني :

انا ماعندي حتى فكرة عليها على بيها كلفت امي تشريهالي الحاجة الي علابالي بيها انو كل ماتكون الالة ثقيلة وزايدة في السومة تكون هي المخيرة وتقدري تقصدي الحوانت الي تبيع الدوريجين ثم تلقاي حاجة مليحة


__________________________________________________ __________

>>>> الرد الثالث :

اشكركم حبيباتي علي الاهتمام ورد علي سوالي بصح لكان تعرفو الماركة بالتحديد اكتبولي اسمها وجزاكم الله الف خير

__________________________________________________ __________

>>>> الرد الرابع :

هيا يا فحلات المنتدي جاوبوني يعني معقولة واحدة ما عندها هدي الماشينة في الدار

__________________________________________________ __________

>>>> الرد الخامس :