عنوان الموضوع : هذي اول مشاركة لي ارجو ان تتفضلو عندي المطبخ الجزائري
مقدم من طرف منتديات العندليب

السلام عليكم وان شاء الله يعجبكم هذا الطبق كانت عندي كمية كبيرة من الفلفل الحلو ومالقيت واش ندير بيه الكيفيات اللي نعرفهم كامل درتهم وجاتني فكرة ودرت هذا الطبق اللي عجب جميع اسرتي وقلت والله ننقولها لاخواتي نتاع المنتدى ممكن يستفادو منهاصدقوني جا بنين يهبل والشكل انتومة اللي تحكمو
وعلى بركتي الله نبدا بسم الله طبق الفلفل المقلي بالجاج والفرماج في الفرن
اولا انصبي صوص بيضاء بطرف صدر دجاج وخليه يطيب وغلي شوية زيتون اخضر واقلي روس فلفل الاخضر الكمية على حسب عدد الافراد الاسرة وقشريه وقطعيه خيوط وحطيه في مول نتاع الفرن كيما تبين الصورة

ومبعد قطعي فوقو الفرماج

وكي يغلي الزيتون قطعيه على زوج دوائر وحطيه من الفوق

ومبعد احكمي الجاج اللي طيبتيه في لاصوص بيضا فتيه وزيدي حطيه من الفوق

واللي زيدي حطي كمية اخرى من الفلفل المقلي ومنقي ومقطع خيوط تغطي بيه يعني


ومبعد صبي شوية منلاصوص البيضا وقطعي المعدنوس وابرشي فوقها شوية فرماج شيدار او اي نوع تحبوه


ودخليه للفرن يجمر شوية ويذوب الجبن




وهذا الطبسي ديتو لمرت سلفي اللي كانت شريكة معي في الفكرة

اعتذر على كثرة الصور باش تفهموني كما قلتلكم هذه اول مشاركةوان شاء الله تكونو فهمتوني وارجو ان ينال اعجابكم واعطيوني رايكم ماتبخلونيش بردودكم والسلام عليكم ورحمة الله


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

يعطيك الصحة بينا بنينة بارك الله فيك

__________________________________________________ __________

>>>> الرد الثاني :

اممم يعطيك الصحة

__________________________________________________ __________

>>>> الرد الثالث :

ya3tik essaha 4

__________________________________________________ __________

>>>> الرد الرابع :

المشاركة الأصلية كتبت بواسطة hayat-48
يعطيك الصحة بينا بنينة بارك الله فيك

الله يسلمك بنينة تهبل كي عجبتهم في داري عطيتهالكم شكرا على الرد حنونة
المشاركة الأصلية كتبت بواسطة &عسل&
اممم يعطيك الصحة

الله يسلمك حنونة شكرا
المشاركة الأصلية كتبت بواسطة oum siradj ahmed
ya3tik essaha 4

الله يسلمك حبوبة شكرا

__________________________________________________ __________

>>>> الرد الخامس :

يعطيك الصحة