عنوان الموضوع : الحراير تعيشو محتاجتكم قبل العيد طبخ جزائري
مقدم من طرف منتديات العندليب

البنات غدا ان شاء الله العيد الكبير
اولا صح عيدكم و ربي يتقبل صيامنا و صيامكم اليوم
عندي مشكل ما نعرفش نشوط الراس و الرجلين لأني نعااااااااااااااااااااااااااااااااف لكن امي كبيرة و حابة نساعدها
لكن ماشي متقبلة الفكرة و احس اني سأتقيأ كلما رأيت الدم و الراس المذبوح و مانحملش خلاص . لكن آن الأوان لدخول المعمعة و حابتكم تساعدوني باعتباركم محترفات
قولولي كيفاش كانت معنوياتكم اول مرة و قولولي كيف تتم العملية


شكراااااااااااااااااااااااااااااااا


اسمحولي مي gراف 190 قراءة و 2 ردود زعمة لي هنا كامل ما يعرفوش و لا كيفاش ؟؟؟؟؟؟؟؟؟؟؟؟؟؟؟

راكم تحطو من عيني تاع الصح



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

اختي راني هذي حاجة عادية ومتخليهاش تصعب عليك ونتكبريهاش انا عمري 20 سنة وملي كمت صغيرة يعني 14 سنة وانا نعاون ماما فيه ديري في بالك بلي هو لحم لا اكثر لا اقل وربي حللنا اكلو شوفي اذا عاد تعافي الدم حطيه في البوطاجي واغسليه ملييييح ولا تغسلولك الوالدة الكريمة ربي يطولك في عمرها من بعد توكلي على ربي وبداي واربحي ثواب واجر وعاوني يماك ومهمة موفقة امن شاء الله رديلي ان شاء الله وقوليلي واش درتي فيها
صح عيدكم

__________________________________________________ __________

>>>> الرد الثاني :

شوفي حطيه في الماء سخون يغلي شوي ومبعد في الماء اابارد ومن ثم حكيلو الملح راح يطير الشعر وحدو بلا متشوطيه ماتظرب الريحة ويبقا شعرات نحيهم بالموس وخلااااص ههه هذي الطريقة 1 ولا ديريه في الفور ثاني مليحة وصح عيدك وكل عام وانت بالف خير

__________________________________________________ __________

>>>> الرد الثالث :

؟؟؟؟؟؟؟؟؟؟؟؟؟؟

__________________________________________________ __________

>>>> الرد الرابع :

كيما قالت الاخت اينا راهي المهمة عادية برك قولي ليماك ربي يخيليهالك تقعد قدامك و تعاونك و ان شاء الله تنجحي

__________________________________________________ __________

>>>> الرد الخامس :

انا عمري 15سنة

مانعرفش بااااش نقلك

بصح ربي يكون في عونك