عنوان الموضوع : شعورك و انت في المطبخ من مطبخي
مقدم من طرف منتديات العندليب

السلام عليكم و رحمة الله جاتني اليوم فكرة اتمنى تعجبكم و هي كل وحدة تقولنا الشعور نتاعها و هي في المطبخ انا نحس المطبخ مملكتي الخاصة والاواني ادوات موسقى وانا المايسترو نتاعهم يلا اليكم الخط ارجو التفاعل مع الموضوع وشكرااااااااااااااااااااااااااااااااااااااااااا


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

نقولك الصراحة كي يكون عندي اللوازم نعود زاهيتلي ع الاخر و نبدع في الاطباق اشكال و الوان و كي تعود الدعوة ما كان ما كان نعود





__________________________________________________ __________

>>>> الرد الثاني :

انا كي ندخل بارادتي وعندي فكرة في بالي نستمتع فيه مي كي يدخلوني بسيف صافي هوما يقولولي ديري هاديك الحاجة وانا ماطالعتليش نحس روحي في حبس وقتاش نخرج

وزيد امر تاني كي تصلحلي الحاجة ويشكروني نشبع فرحةةةةةة
مي كي تفسدلي يطيح المورال ليه ليه ونولي نندم على لي دخلت مام دارنا يقولولي نورمال ولي يتعلم لازم يغلط ميييي اناااا

__________________________________________________ __________

>>>> الرد الثالث :

انا منكدبش عليك المكان لمفضل عندى وخاصة كى كون عندى جميع اللوزم اووووووووووه حطة

__________________________________________________ __________

>>>> الرد الرابع :

صباح الخير انا نحس روحي في مخبر لازم كلش يبرق زعمه ونا بروفيسور سورتو ككون لفرجيدار زاهي واللوازم حاظرين يكون الموال طالع ولا كتكون الحالة تصفر منحكيش بصح عندي حاجه مليحة فيا كتصلح الحاجه عادي نفرح بيها و لا مصلحتش نزغف و نبقى نعاود فيها حتى تصلح ثما نبرد

__________________________________________________ __________

>>>> الرد الخامس :

انا المطبخ هو حب حياتي من بعد زواجي ههههههه نموت على الطبخ ونتفنان فيه واسكتو برك نحسب روحي راني حورية المطبخ
كي نكون زاعفانة نفراغ زاعفي في غسيل لمعان وتنقية الخضرة بالينار ههههههه دوك تقوالو مهبولة وكي نكون فراحة نتفننا في الديسار انا نكون مليحة بصح كي نلحق للمعان نكره حياتي