فولوفو بدجاج وزيتون من مطبخي من مطبخي
عنوان الموضوع : فولوفو بدجاج وزيتون من مطبخي من مطبخي
مقدم من طرف منتديات العندليب
جبتلكم ليوم طريقتي في فولوفو بدجاج وزيتون
مقادير:
اطراف دجاج (حسب العائلة)
بصلة مقطعة رقيقة
جزرة مقطعة مربعات صغار
نصف حبة طماطم مقطعة رقيقة
زيتون اخضر مغلي +شونبينيو
حبات فولوفو
نجيب قدر نحط شوية زيت +بصل+جزر+طماطم مقطعة+دجاج و ملح ونقلي مليح ندير ملح وحدو يساعد بصل ودجاج يطلق ماء تاعهم ويتقلي فيه
كيتقلى بصل ودجاج نزيد شونبينيو+فلفل اكحل+شوية زعفران وزيتون ونمرق غير شوية بماء سخون
ونخليه يطيب
كطيب لصوص نحي شوية شونبينيو+زيتون اخضر ونحي دجاج طرف نفتوه وباقي خليهم صحاح
نحي شوية صوص في طبسي صغيرونزيدلو شوية قارص وفرينة وصفار بيضة ونخلط ونخلي لصوص شوية تعقد ونطفي نسيت مصورتش لعقدة قبل منديرها فلصوص
نجبو حبات فولوفو نحشيهم بدجاج ونديرو شوية فرماج رابي درت حبات علي خاطر كاين لميحبش فرماج نديروهم فيلكوشة شوية يسخن ويطراو وحد3 دقائق ونخرجهم
نديرحبةفيطبسي ونزيدولصوص فوقهم مع مورصو دجاج وشوية معدنوس وتقدم
انشاء الله يعجبكم طبق مع تشجعاتكم شكرا مسبقً
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
طبعا يعجبنا عزيزتي الصراحة تعجبني ماكلتك نحسها بنينة بزاف و موزونة و مجمرة الله يبارك بصحتكم غاليتي
__________________________________________________ __________
>>>> الرد الثاني :
امممم يعطيك الصحة طبق يشهي
__________________________________________________ __________
>>>> الرد الثالث :
chahitini bayen alih bnine bissahtkom
__________________________________________________ __________
>>>> الرد الرابع :
مشكووووووووورة الفرق بيني وبينك أنا منحشيش الفولفون المرة الجاية ان شاء الله ندير الفكرة نتاعك رووووعة يعطيك الصحة
__________________________________________________ __________
>>>> الرد الخامس :
بارك الله فيك على الطبق البنين
رد مع اقتباس
