لأول مرة *بربوشة ببوزلوف* حصريا من مطبخي بالخطوات المصورة
عنوان الموضوع : لأول مرة *بربوشة ببوزلوف* حصريا من مطبخي بالخطوات المصورة
مقدم من طرف منتديات العندليب
بسم الله الرحمن الرحيم
بقر ب عيد الضحى المبارك نحطلكم الوصفة بالتفصيل
نحتاج بوزلوف ...... الكمية اللي حبيتي
نغليوه ف الماء مرتين او ثلاثة حتى تنقيييييييه كااااامل
نحضر : بصل + طماطم + ثوم + فلفل + ملح (كما في الصورة)
نرابي البصل والثوم نهرسوه مع الملح
نضيف : تقريبا م ك كسبر كذلك بالنسبة لتوابل مخلطة + م ص كمون + 1/2 م ص فلفل أسود
نضع الكل في كوكوط ونضيف 4 م ك زيت ونضيف البوزلوف بعد منغسلوه مليح
نحطوهم يتقلاو مع شوي ماء ثم نظيف الطماطم مرحية مع 2 م ك مش معمرة بزاف طماطم مصبرة
و م ك هريسة (الهريسة حسب ذوقك)
ثم الجزر أما باقي الخضرة لا لانو الزرودية صلبة شوي مقارنة بالبطاطا
والبوزلوف فيه عظام بزاااااااف
بعد ما يتقلى حوالي ربع او نصف ساعة نمرق ب 3 لتر ماء سخون
نحضرو البطاطا وبعد ما نقفلو على المرقة لحوالي ساعة نظيفو منها بعد التقطير على البطاطا
يعني نغطيوها كامل
البربوشة اخدميها كيما موالفة ...... يعني تفوريها عدة مرات وديريلها سمن بشكل عادي وملح
نحطو البوزلوف يتقطر من المرقة بعد ما يطيب
ونقطرو المرقة (شيء ضروري جدا)
نحي منها الخضرة اللي عندك او الفلفل
شوفو وش بقى منها
وهكذا تكون البربوشة تاعنا جاهزة للاكل
هذا بعثناها لعجوزة جارتنا
وأخييييييييييييرا كملت حطيت الموضوع
وصلى الله وسلم على سيدنا محمد
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
مممممممم فكرتني بمناج العيد ههههههه يسلم يديك وبصحتكم
__________________________________________________ __________
>>>> الرد الثاني :
اممممممممم اكلة وعليها لكلام بارك الله فيك حنا مندروهاش بصح تبان بنينة كلشي تقليدي بنين
يعطيك الصحة
__________________________________________________ __________
>>>> الرد الثالث :
الله يبارك اخيتي على الخااطر والله
__________________________________________________ __________
>>>> الرد الرابع :
بارك الله فيك
__________________________________________________ __________
>>>> الرد الخامس :
بربوشة هايلة الله يسلم ايديك وبصحتكم هاااااااايلة
رد مع اقتباس
