عنوان الموضوع : وصفة الخرشوف المطبخ الجزائري
مقدم من طرف منتديات العندليب

سلام عليكم احبائي الاعزاء اطلب منكن وصفة الخرشوف الطويل مش القرنون من فظلكن انا عندي خرشوف ما عندي وصفة جزاكم الله خير ا


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

السلام عليكم و رحمة الله تعالى و بركاته حنا في المنزل نعملوه جواز أبيض
تنقي الخرشف و تقطعيه إلى قطع مستطيلة حاولي تعمليها متقاربة الحجم و حطيها تغلي في الماء و الملح
ثم تقومي بقلي البصل و الثوم و الدجاج أو اللحم (لي عندك ) و الملح و الفلفل أسود و شوية قرفة و شوية زيت و لما يتقلا مرقي يالماء السخن و خليه لما يغلي أضيفي البطاطا لي تكوني نظفتيها و قطعتيها (تقطعي الحبة على اربعة تقريبا اذا كانت الحبة صغيرة) و لما تكون نص طياب أضيفي الخرشف لي يكون غلى و تنحات لخضورية نتاعو و غلقي على البرمة أو لا كوكوت أحسن حتى تضمني الخرشف باش يطيبلك و شهية طيبة

__________________________________________________ __________

>>>> الرد الثاني :

تفضلي اختي هاذي وصفة الامنيات
الأمنيات

طاجين الخرشف



نقطع الخرشف ونضفه وندير فيه الماء وليمونه واحده ونخليه في الليل كامل في الماء
في الصباح نغسله ونديره يغلي حتى تروح الكحولية تاعه
ندير بصل ولحم الي عندك انا درت بقري والحمص وطماطم حبة مرحية ونقلي ونضيف التوابل الي تحبيها
ومعتمدتها من بعد نزيد جزرة ولا زوج انا زدت حبة بطاطه على جال بناتييحبوها
وندير الخرشف ونمرق بالماء ونغلق كوكوط تقريب 45دقيقة يوجد زيدي ثوم وكمون وخليه يغلي شوي


__________________________________________________ __________

>>>> الرد الثالث :

باراك الله فيكن


__________________________________________________ __________

>>>> الرد الرابع :


__________________________________________________ __________

>>>> الرد الخامس :