عنوان الموضوع : ملفوف الدجاج من مطبخي .....نتمنى تدخلو وتشوفوه من مطبخي
مقدم من طرف منتديات العندليب



صحا سحوركم جميعا بدون إطالة إليكم هذه الوصفة شفتها في قناة سميرة عجبتني خبيت نشاركم معايا فيها تجي بنينة وتحمر الوجه قدام الضيوف
المقادير صدر دجاجة
نص رطل لحم مفروم
بصلة صغيرة وفصين ثوم
ربطة صغيرة دبشة
بيضتين
جبن أبيض 4قطع
توابل كيما تحبي إنت والملح
نتأسف ماصورتش الخطوات اكل كنت مزروبة المهم



حضرت اللحم والدجاج بعد مانحيت لعظام بش ندير بيهم مرق صغير وحطيت اللحم في الروبو مع نص التوابل ونص البصلة وفص الثوم والدبشة وبيضة ورحيته المهم نفس المكونات نقسموهم نص نرحوه مع الدجاج ونص مع البصل انا زدت إضافة من عندي كي حسيت الدجاج رطب زيادة ملعقة ك فرينة
ونفرش قطعتين من البابيي فيلم وحدة مقابلتني للدجاج والأخرى وراها للحم ونحل اللحم والدجاج على شكل مستطيل ماذابيكم يكونو قد قد ومن بعد نقلب اللحم على الدجاج هنا قلبتهم وحطيت الجبن



ومن بعد نلف بالاإستعانة بالبابيي فيلم نطلع بالشوي حتى نكمل إذا مازلت مليحة البابيي نخليها وإذا فسدت نحضر اخرى ونقلب فيا الرولي تاعي ونلف هكا




كيما حبة الحلوة هههه نزير باش يجي متحوف ونزيد نلفها بالبابيي ألمنيوم لازم مانخليش البابيي فيلم يبان ونحطها في البايركس ولا حتا سينية عادي وندخلها الفرن حوالي ساعة



وهاهي بعد ماخرجت من الفرن درت شوي زيت في مقلة وحمرتها باش تنشف وتتقرمش شوي من برا





ومن بعد قطعتها والمرق حطيت فيه بصيلة صغيرة محكوكة وسنتين ثوم وفلفل احمر وقليت مليح ومن بعد مرقت كي طابت صفيتها على طريقة ليدي تع طاجين الشواء حمرت شوي العضام والجناحين بالزبدة ورجعت المرق وقدمتها هاهي فالأخير



نتمنى يعجبكم الطبق ودعوة خير لكل من اعجبه الموضوع أو لم يعجبه هههه معليش رانا نتعلمو


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

بارك الله فيك......باينة بنينة................

__________________________________________________ __________

>>>> الرد الثاني :

أعجبتني الوصفة
بارك الله فيك أختي



__________________________________________________ __________

>>>> الرد الثالث :

بارك الله فيك اختي

__________________________________________________ __________

>>>> الرد الرابع :

جاتك روعة
حتى انا شفتها في القناة ان شاء الله نجربها

__________________________________________________ __________

>>>> الرد الخامس :

رووووووووووعة يعطيك الصحة