طبقين من عندي خفاف من بعد غياب طويل المطبخ الجزائري
عنوان الموضوع : طبقين من عندي خفاف من بعد غياب طويل المطبخ الجزائري
مقدم من طرف منتديات العندليب
السلام عليكم
كيفاش راكم؟
طولت الغيبة وكنت حابة نصور كي كنت غايبة اطباقي الجديدة اللي نديرها بصح كنت مالة وكرهانة
اعتذر عن رداءة الصور صورت بالبورطابل كانت لاباراي فوطو مديشارجية
اليومين هاذو درت طبقين ان شالله يعجبوكم
وهوما معروفين
بصح واشنو من كوزينتي
السفنج بالسانوج اللي يحبو راجلي
وطبق الروز البسماتي مع السلق واسكالوب مقلي ومحمر مليح
نسيت ماكتبتش فيهم اسمي الصور مي نورمالمون راكم حفظتو مواعني ههههه
انش الله يعجبوكم اطباقي المتواضعة جدا جدا
Photo0119.jpg (21.6 كيلوبايت, المشاهدات 308)
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
اممممممممم انا نضت مع الصباح جوعان أطبااق تشهي. كيفاش درتي الروز والسلق من فضلك
__________________________________________________ __________
>>>> الرد الثاني :
صباح الخير انت اول من رد علي
طيبت الروز في الماء عادي ديرتلة حبة جومبو وشوية فلفل لكحل برك وشوية ملح وخليتهم يطيبو مليح مي لازم تعسيه الروز الباسماتي بزاف رقيق يتكسر بسهولة لازم تعسيه مليح ديري كاس روز ب2 ماء
ذبلت السلق وحدو في المقلا ودرتلو ثوم وفلفل لكحل وكمون وفلفل لحمر بودرة
حتان طاب طفيت عليه من بعد كي طاب الروز وشرب الما نتاعو فرغتو فوق السلق وخلطتو مليح وشعلت النار خفيفة تحتهم لمدة 5 دقائق حتان تخلطو النكهات مابيناتهم وخلاص طفيت عله
ان شاء الله نكون عرفت كيفاش نشرحلك
__________________________________________________ __________
>>>> الرد الثالث :
يعطيك الصحة يا مونيا و بصحتكم.
__________________________________________________ __________
>>>> الرد الرابع :
اختى مومنية وين راكى درت عليك غو شاغش باش نشكرك على اللوبيا الخضراء و البطاطا و البيشاميل ارجع معتمد عندى اقتصادى و بنين شكرا حبيتى كنت حطيتو من قبل فى قسم التطبيقات
__________________________________________________ __________
>>>> الرد الخامس :
ربي يخليك اختي ساطعة في سماء المنتدى دائما
اختي طوكية هوتل شكرا على الثقة الحمدلله كي خرجلك بنين وعجبك ربي يخليك ان شالله
رد مع اقتباس
