الشخشوخة البوسعادية بالصور من مطبخي

[سضكضق]

عنوان الموضوع : الشخشوخة البوسعادية بالصور من مطبخي
مقدم من طرف منتديات العندليب







حبيباتي جبتلكم اليوم طبق كنت نظن انه صعب

بحكم زواجي من بوسعادي لازم طبعا نتعلم طبخهم

وحماتي الله يذكرها بخير صاحبة القلب الكبير وروح الدعابة

محبتش تعلمني قاتلي نشوفك الا تجيبيها وحدك....

يوم عيد الفطر من عادات اهل المنطقة

أنهم يطيبوا الشخشوخة

خطفت منها شوي ولما سمعت اني طيبتها ماتت بالضحك

ولما شافت الصور قاتلي غلبتيني


وهاذي هي الصور -أول مرة -


أولا لعجينة تتعمل بالماء و الملح و فرينة + سميد نص بنص

و اللي تحب تعمل سميد وحدوا شادة شوي روحها على عجينة الرقاق





تخليها ترتاح ومبعد تقرصيها






تاخذي 3 قرص وتحليهم شوي وتحطيهم فوق بعضهم وتكملي تحليها









وعلى طاجين الطين تاع البغرير - الغرايف - تطيبيها









و تفتتيها كيما الثريدة لكن باليد


وتحضري لاصوص

- طماطم - بصلحة ثوم و البهارات + لحم أو دجاج وتقليهم مليح وتخليهم يطبخوا


قبل ما تغلقي على النار تكوني محضرة كمية كبيرة تع بصل مقطع لنصف شرائح

كبيرة تحطيه على البرمة و تظيفي ورق الرند + الفاح + الحار + قليل من الثوم

وكي اطفي النار + الكسبر


تجيبي الفتات و تخلطيه مع الصوص اللي تكوني خليتي منها شوي للوجه

تزينيها بالكسبر و البيض

تؤكل مصحوبة بالرب - يشبه المعجون - مصنوع بالتمر + الدهان العربي

وهذا شكلها النهائي تقريبا





و شهيتكن طيبة


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

امممممممممممممم تشهي مع هدا البرد
تقريبا يشبه لشيئ عندنا نسموه فطير في طريقة التحضير
الرب نعرفو و يكون حلو بصح كفاه يتاكل مع الشخشوخة؟؟؟
حار مع حلو؟؟؟
تسلم ايدك

__________________________________________________ __________

>>>> الرد الثاني :

يعطيك الصحة اختي ان امكن مادامك من بوسعادة ارجو ان تفيديني بطريقة البعطوط يجي شخشوخة ومهرسة مع الطماطم نية والفلف الحار
الكيفية بالتفصيل ان امكن

__________________________________________________ __________

>>>> الرد الثالث :



بارك الله فيك و يطيك ألف عافية و الله فحلة جات تحصل فيك غلبتيها هههههه كملي في شطارتك بصح الشهادة لله كيتجي تشوفي حتى ونخدموها ونخرجوها تهبل البنة البوسعادية تغلبنا عندهم وحد البنة فيها متتعوضش ماذابيك أختي و كان تعلمينا مأكولاتهم كيراكي منهم و جازاكي الله خيرا



__________________________________________________ __________

>>>> الرد الرابع :

المشاركة الأصلية كتبت بواسطة *أم كوثر* امممممممممممممم تشهي مع هدا البرد تقريبا يشبه لشيئ عندنا نسموه فطير في طريقة التحضير الرب نعرفو و يكون حلو بصح كفاه يتاكل مع الشخشوخة؟؟؟ حار مع حلو؟؟؟ تسلم ايدك

هوما ياكلوه بهذي الطريقة انا ما جربتهاش لأن مش راكبة فراسي حلو ومالح

جربي انتي ورديلي لخبر

__________________________________________________ __________

>>>> الرد الخامس :

المشاركة الأصلية كتبت بواسطة hanadi193 يعطيك الصحة اختي ان امكن مادامك من بوسعادة ارجو ان تفيديني بطريقة البعطوط يجي شخشوخة ومهرسة مع الطماطم نية والفلف الحار الكيفية بالتفصيل ان امكن

اختي انا مش من بوسعادة

أنا من واد سوف

واقيم مع زوجي في ورقلة


البعطوط أو كما يسميه أهل الواد و بسكرة بالباطوط

أما أهل بوسعادة يسموه الزفيطي


الطريقة نكتبهالك درك ولما نعملوا نصورلك الشرح


تعجني السميد + ملح + ماء وتعملي كسرة طيبيها على الوجهين وتفتتيها

تكوني محضرة ماء مغلي

وفي المهراس تحطي الثوم و دقيه + فلفل أحمر تكثري أو فلفل أخضر

دقيهم مليح مع الملح و الكسبر و البسباس المرحي - يابس-

وتكوني محضرة طماطم منزوعة قشرتها


- وهذا بوضها دقيقتين في ماء سخون- وتهرسيهم


في نفس المهراس ضعي كمية فتاة الكسرة ودقي مليح

وظيفي الماء المغلي شوي شوي

وابقي دقي حتى تدخل بعضاها مليح


زينيه بالدبشة و شوي زيت على الوجه ويقدم في المهراس نفسه


لذا سمي الطبق -مهراس زفيطي -