عنوان الموضوع : قرتان الكرنب والبطاطا بالبيشامال لعيون ايزابال وعيونكم طبخ جزائري
مقدم من طرف منتديات العندليب
وان شاء الله تكونو كامل بخيييير
تفضلي حبيبتي ازابال وان شاء الله تعجبك وراح نقولك على الطريقة مع المقادير باش ما نطولش عليكم ( الكمية حسب العائلة )
باسم الله
اولا تاخذي راس الكرنب وتنحيلو الاوراق الفوقانيين ( ما ترميهمش ممكن تستعمليهم محاشي) وتقصي اللب انتاعو الى قطع متوسطة الحجم وتذبليها في شوية زيت ولا زبدة وملح وفلفل اسود وزوج سنات ثوم مرحية وتخليها بجهة ( انا اهنا كان عندي شوية سلق زدتو معاه )
حضري كمية البطاطا اللي بغيتيها واقليها على شكل دوائر وخليها تتقطر من الزيت
بالنسبة لصوص بيشامال
طريقتي هي
ناخذ ملعقة كبيرة وشوية زبدة نذوبها ونضيف اربع ملاعق فرينة وعلى نار هادئة بعد ما بدات تتلم نضيف كاس ونص حليب وشوية ملح وفلفل اسود وزوج سنات ثوم مرحيين ونخلط حتى تخثار ملييح وكي نحيها من النار نزيد شوية فرماج ومعدنوس مقطع وزوج بيضات ونخلط بسرعة باش ما يطيبش البيض
نجيبو صينية مدهونة بالزبدة ونحط طبقة بطاطا ثم شوية صوص بيشامال ثم كرنب ثم صوص ثم بطاطا وهكذا حتى تكملي الكمية اللي عندك وطبقة صوص بشامال هي الاخيرة واذا عندك فرماج روج زيدي اسكرفجي من فوق والى الفرن لمدة 20 د حتى تشوفيها بدات تاخذ اللون البني من فوق ونحيها وشهية طيبة
وهذي اقرب
وهذي قطعة ليك كعربون محبة وسمحيلي راني طولت عليك من غير قصد
في امان الله



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

ممممم يشهي يعطيك الصحة زهرة

__________________________________________________ __________

>>>> الرد الثاني :

ممممممممم يشهي بارك الله فيك

__________________________________________________ __________

>>>> الرد الثالث :

4444444444444444444

__________________________________________________ __________

>>>> الرد الرابع :

مممممم بنين يسلم يديك

__________________________________________________ __________

>>>> الرد الخامس :

زهرة ياهرة حنونة امممممممممم بارك الله فيك توحشتك امممواح