عنوان الموضوع : غراتان بدون بيض حصريا من مطبخي. طبخ جزائري
مقدم من طرف منتديات العندليب

لاعداد هذا الغراتان نحتاج اخواتي الحبيبات مايلي:

1/صلصة حمراء:
 كمية زيت نقلو فيها بصل،3سنات ثوم ،صدر جاج ،ملح ،فلفل اكحل،تعكيرة حمرا،ورقة رند،بعدها نضيفو حبة كبيرة طماطم رابي،ونقليو واخيرا ملعقة طماطم مصبرة ونمرقو بماء ساخن ،ونتركوها حتى تخثار.
2/صلصة بيشامال:
 ملعقة زبدة معاها ملعقة فرينة،الكل على النار حتى تبدا الفرينة تشقر،نضيفولها كمية من الحليب مع التحريك حتى تخثار الصلصة،واخيرا نرمو كمية معدنوس، وسنة ثوم ،ملح ،وفلفل اكحل ونطفيو مباشرة.
3/باذنجان مقلي:
 2حبات كبار وحدة تقطع طوليا والاخرى دوائر،نحطو عليه ملح ونتركوه حتى يخرج ماه ،نشفوه ونغطسوه في الفرينة من الجانبين(سرصغيرباه مايشربش الزيت) ونقليوه.

4/بطاطا دوائر مقلية او مغلية:
 راح تلاحظو عوضتها بالبروكلو دون ان انسى:جبن مثلثات،معدنوس او دبشة،خبز مرحي.
وفيمايلي الطريقة موضحة بالصور:

ندهنو المول بالزبدة ونرشو عليه الخبز المرحي:

نستفو الباذنجان بالشكل التالي:

ثم البطاطا ان وجدت ،عوضتها بالبروكلووعليها معدنوس:

ثم صدر مفتت وقطع فروماج ومعدنوس:



ثم القليل من صلصة الطماطم والقليل من صلصةالبيشامال:

ونعاودو نفس المراحل كما توضح الصور:


واخيرا طبقة باذنجان عليها بيشامال ورشة خبز مرحي وقطع زبدة ،ثم الى الفرن مباشرة:

وهذا شكلها بعدما تخرج من الفرن:

نتركو الغراتان يبرد نصف ساعة عاى الاقل ونقلبوه ثم نقطعوه:



لاتنسوني من صالح دعائكم اثابكم الله الفردوس الاعلى.




>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

جزاك الله كل خير و فى ميزان حسناتك ان شاء الله يبان بنين يعطيك الصحة

__________________________________________________ __________

>>>> الرد الثاني :

يعطيك الصحة

__________________________________________________ __________

>>>> الرد الثالث :

المشاركة الأصلية كتبت بواسطة فرح العمر
جزاك الله كل خير و فى ميزان حسناتك ان شاء الله يبان بنين يعطيك الصحة

الله يسلمك عزيزتي فرح العمر،اسعدني ردك العطر.

__________________________________________________ __________

>>>> الرد الرابع :

المشاركة الأصلية كتبت بواسطة linat
يعطيك الصحة

الله يسلمك مشكورة اختي لينا على ردك الطيب.

__________________________________________________ __________

>>>> الرد الخامس :

الله الله عليك ربي يخليلك صحتك يالشاطرة