عنوان الموضوع : محجوبة الكسرة من la cuisine Batnienne من مطبخي
مقدم من طرف منتديات العندليب


راني درت المحجوبة اللي قلتلكم عليها تاع كسرة الخميرة ان شاء الله تعجبكم
المهم نبدا بسم الله .....................
نحضرو عجينة الكسرة تاع الخميرة او المطلوع عادي كيما موالفين و كي نقسمو العجين قيس الخبزات اللي عندك ......و كل خبزة نزيد نقسمها على 2 يعني مثلا باش ندير 2 خبزات تاع محجوبة ندير 4 خبزات صغار كل زوج اوحدة نحل الخبزة الاولى بالحلال


ونضيف المكونات تاعنا حاجة بعد حاجة نبداو ندهنو الخبزة تاعنا بالسمن و هذا هو النوع اللي استعملتو


ثم نضيفو صوص طوماط او طماطم مصبرة اذا مزروبة على كامل الخبزة
ثم نضيفو الفلفل المرقد المقطع او الحميص الي يتباع في الاسواق و انا هذا هو النوع اللي استعملتو



و نضيفو جبن مبشور و اذا ما عندكش كيما درت انا جبن مذاب و خلاص

لتتحصلي على هذا الشكل

و نحل الخبزة الصغيرة الثانية و نحطها فوقها و نقفلها بهذا الشكل


و كي نقفلها نتحصل على هذا الشكل

و نطيبها في طاجين الكسرة عادي


و اقسميها و تتكل سخونة و شهية طيبة
راهي طيبتها المعتصمة بدين الله على شعرة حرقتها هههههههههههههههه عليها ما صورتهاش ههههههه المهم جربوها و ما تندموش و ادعيولي


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

السلام عليكم ربي اخليلك هدوك اليدين و انا نحب هده المحجوبة انموت عليها و بنتها لا تقاوم كما انكون معاكم وانتما دايرين بيا راني توحشتكم و توحشت المحجوبة

__________________________________________________ __________

>>>> الرد الثاني :

اممممممممممممممممم سخفتيني

__________________________________________________ __________

>>>> الرد الثالث :

المشاركة الأصلية كتبت بواسطة omo mazen
السلام عليكم ربي اخليلك هدوك اليدين و انا نحب هده الحجوبة انموت عليها و بنتها لا تقاوم كما انكون معاكم وانتما دايرين بيا راني توحشتكم و توحشت المحجوبة

و عليكم السلام ورحمة الله و بركاته ...............و يخليك ان شاء الله غير ارواحي برك و خاطيك الشغل ..نشبعك محجوبة حتى تكرهيها ............................المرة هاذي مادارتليش الدخان بزاف لومبيونس كامل كي يكون الدخان و حنا دايرين على الطاجين ...................ربي يعينك على غربتك و يردكم لينا سالمين غنمين ان شاء الله

__________________________________________________ __________

>>>> الرد الرابع :

المشاركة الأصلية كتبت بواسطة أم ياسين الزهراء
اممممممممممممممممم سخفتيني

مدي يدك علاه تحشمي ياختي بصحتك و الزيادة كاينة

__________________________________________________ __________

>>>> الرد الخامس :

المشاركة الأصلية كتبت بواسطة و يبقى الامل
و عليكم السلام ورحمة الله و بركاته ...............و يخليك ان شاء الله غير ارواحي برك و خاطيك الشغل ..نشبعك محجوبة حتى تكرهيها ............................المرة هاذي مادارتليش الدخان بزاف لومبيونس كامل كي يكون الدخان و حنا دايرين على الطاجين ...................ربي يعينك على غربتك و يردكم لينا سالمين غنمين ان شاء الله

انشاء الله كما اليوم و يجمعنا الله في ضروف احسن من الي فاتت المرة الي فاتت دهبولنا لحسبات وتلفولنا لخيوط المهم تكون الصحة و ندخنوكما ابغيتي ههههههههه