عنوان الموضوع : اجوكم ساعدوني يا لفحلات من مطبخي
مقدم من طرف منتديات العندليب

السلام عليكم
ارجوكم فحلات بلادي كلكم
و خاصةام كوثر ام رامي ام ماجد ام راضية الهام
وكلكم وشن هو لفاح او افاح لطيبو بيه
قلولي مكوناتو لازم كل العضوات يشاركو
حنا عندنا راس لحانوت تاع الطعام
فيه كمون بسباس حبة لحلاوة كسبر حلبة شيبة الشيخ
تفاااااااعل


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

احنا لفاح انتاعنا انديرولو 3كيلات كزبر مع2كيلات باس مع2كيلات كروية ونرحوهم ايجي روعة في المرقة الحمراء

__________________________________________________ __________

>>>> الرد الثاني :

اختي انا لفاح نتاعي نخدمو وحدي فيه 500غ قصبر+ 200غ كروية +100غ حبة حلاوة +100غ زريعة البسباس+ 50غ هيل+50غ فلفل اكحل+ 50غ العرق لصفر+2 اعواد قرفة نشريهم ننقيهم كل واحد وحدو من كانش حجر واعواد وسيرتو الحبيبات السوداء من القصبر هاديك هي اللي تكحل الماكلة ونغربلوا باش يهبط الغبار والقش الرقيق ومن بعد نحطوا بالشوي فوق فوطة مبلولة ومعصورة ونمسحو مليح ونحطو يشيح عند الشمس ونخلطوا ونبعثوا للطاحونة يترحى ونخبيه في الكونجيلاتور وننجبد منو قيس باطة صغيرة يبقالي نص عام او اكثر وريحتو وطعمو هوماهوما

__________________________________________________ __________

>>>> الرد الثالث :

المشاركة الأصلية كتبت بواسطة omsaadou
احنا لفاح انتاعنا انديرولو 3كيلات كزبر مع2كيلات باس مع2كيلات كروية ونرحوهم ايجي روعة في المرقة الحمراء

المشاركة الأصلية كتبت بواسطة parfumdor1
اختي انا لفاح نتاعي نخدمو وحدي فيه 500غ قصبر+ 200غ كروية +100غ حبة حلاوة +100غ زريعة البسباس+ 50غ هيل+50غ فلفل اكحل+ 50غ العرق لصفر+2 اعواد قرفة نشريهم ننقيهم كل واحد وحدو من كانش حجر واعواد وسيرتو الحبيبات السوداء من القصبر هاديك هي اللي تكحل الماكلة ونغربلوا باش يهبط الغبار والقش الرقيق ومن بعد نحطوا بالشوي فوق فوطة مبلولة ومعصورة ونمسحو مليح ونحطو يشيح عند الشمس ونخلطوا ونبعثوا للطاحونة يترحى ونخبيه في الكونجيلاتور وننجبد منو قيس باطة صغيرة يبقالي نص عام او اكثر وريحتو وطعمو هوماهوما

شكرا اخواتي ربي يعزكم
اكيد راح نجربهم
رزقكم الله الفردوس

__________________________________________________ __________

>>>> الرد الرابع :

والله البارح دخلت الموضوع وقلت نقسي امي والله نسيت في الغد ان شاء الله
انا أمي تخدمولي ربي يحفظه

__________________________________________________ __________

>>>> الرد الخامس :

شوفي اختي المستغفرة
حنا أمي منذ الأزل تشري فلفل اسود و ترحيه و من بعد جا الفلفل الرمادي او الابيض
ولات تستعمل الاسود للمرق الأحمر و الرمادي للمرق الابيض
و ثاني الكسبر و تخلط كيلو بملعقتين كبيرتين كروية و ترحيهم
هذو لازمين في كل الأطباق تاعنا
اما الفلفل الأحمر الحار تستعملوه في الشخشوخة و آكلات من تخلاط تاعنا ههههههه كيما الدجاج محمر
الكمون في مأكولات الدجاج و البقوليات
الزعفران للدجاج و طاجين الحلو
القرفة و القرنفل للطاجين الحلو و حاجات من اختراعنا مثل البوراك بالقرفة يهبل لكن غير قرصة
هذو لي ديرهم أمي
حتى انا حابة نعرف راس الحانوت تاع البساكرة افيدونا يا البسكريااات ربي يخليكم بالمقادير المضبوطة يبيعوه عندنا لكن يبان تراب ماكان حتى طعم و ذقت شخشوخة صاحبتي بسكرية هااااايلة قاتلي تشريه أمي من بسكرة لكن مازدتش تلاقيتها