عنوان الموضوع : قراتاااااااااان هباااال طبخ جزائري
مقدم من طرف منتديات العندليب

سلاااااااام حبيباتي واش راكم
جبتلكم قراتان الجلبانة على بالي قلتو الجلبانة قراتان
بصح كي تجربوها وتذوقوها راكم تعرفو بنتها
عندي قداه وانا نخدمها وحبيت تستفادو خاطر نحبكووووووم
المقادير
كمية منالجلبانة كيما والفتي تعملي في المرق العادي
حبة بصل و سنينات ثوم
زبدة ودواوات وفلفل اسود ملح
قطعة دجاج
3 حبات بطاطا متوسطة الحجم
ملعقتين فرينة
نصف كاس كرام فراش سائلة
جبن و4 بيضات
جبن مبشور
التحضير
تنصبي مرقة بيضاء عادي بالدجاج والدواوات والفلفل اسود والزبدة والملح وتلوحي معاها الجلبانة وتمرقي وتغلقي عليها
قصي البطاطا مربعات واقليها
كي طيب الجلبانة وتبقى صوص قليلة
نحي الدجاج وفتتيه وضعيه على جنب
ضفي لمرق الجلبانة ملعقتين فرينة وحركي بسرعة وهي على النار
كي تخثار ضيفي لاكرام فراش وحركي كي تبدا تغلي طفي
جيبي المول ادهنيه بالزبدة صبي الجلبانة ثم قطع من الجبن
ثم البطاطا الي قليتيها مربعات
ثم الدجاج المفتت ومن بعد فقصي عيها البيض مجمول وذردري الملح
وحطي فوقهم جبن مبشور والى الفرن مسخن مسبقا 200 درجة
حتى تشرب لاصوص وتحمار من فوق
نتنى تجربوها واكيد تعجبكم وتدعيولي
راهي هبااااااال


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

اممممممممممممم نهال حنونة الغراتان تشهي ويعطيك الصحه
وتجي غراتان الجلبانه وتجي بنييييينه وتسلم الأيادي
ابعثيلي زورني نكون قدام الباب امممممممواح

__________________________________________________ __________

>>>> الرد الثاني :

واااااااااوو تشهي يعطيك الصحة على الوصفة الرائعة

__________________________________________________ __________

>>>> الرد الثالث :

امممممممممممم تشههههيي يعطيك الصحة

__________________________________________________ __________

>>>> الرد الرابع :

ممممم يم يم يومي

__________________________________________________ __________

>>>> الرد الخامس :

روعة باينة هبااااااااااال يعطيك الصحة