عنوان الموضوع : غذائي البارح كسرة وبطاطا على طريقة مونية ك طبخ جزائري
مقدم من طرف منتديات العندليب


نبداو بسم الله
حبيت نعرفكم بكسرة اهل تازمالت ولاية بجاية كيفاش يديروها
سميج خشين يعني ماتنحيلوس دشيشة نتاعو والملح والزيت الزيتون مخلط بالزيت النباتي الخميرة شويةة برك والماء دافئ
نخليكم مع التصاور


تبداي تعجني فيها بطريقة انك تلميها مالازمش تتعجن بزاف حتان يبان العلك نتاع العجين يعني تلميها مليح وتعجني خفيف ومالازمش تكون العجينة طرية لازم تكون شوية يابسة



وكي تكملي العجين تفتحيها رقيقة ماشي بزاف كاين اللي يحيعا خشينة انا نحبها رقيقة وراجلي ثاني


وتخليها فوق الطاجين تطيب

والنتيجة تخرج مبسسة ويابسة شوية ماتكونش طرية



و


وهذا البلا اللي طيبتو معاها حاجة خفيفة

قطعت البطاطا فريت ودرتها في الصاشي نتاع الجاح سبيسيال للفور ولا الميكروأوند وديرتها مغرفة كبيرة زيت وشوية ماء وحطيتها داخل الميكرو 20دقيقة




هنا طابت الطاطا
وقليت البصلة حتان ذبالت وفؤغت فوقها طوماطيش مقطعة ودرت فلفل لكحل من الفوق وملح وشوية زيت





هنا درت بيض وحليب قلقل لكحل وماجي دجاج ولا تقدرو تديرو جومبو تخلطيهم مليح ونفرغي فوق البصل والبطاطا وماتحركيش بزاف وغطيها وخليها تطيب



وهنا راهي طابت اللي حيت تاكل تتفضل عندي

هذي للي ترد علي نفطر بيها ولا تتعشى
واش رايكم
الردود والتقييم اذا عجبكم




>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

شهيتيني يعطيك الصحة

__________________________________________________ __________

>>>> الرد الثاني :

waaaaw bayna bnina ya3tiksaha

__________________________________________________ __________

>>>> الرد الثالث :

ممممممممممممم يعيطك الصحة يالفحلة خليلي شوية بارك الله فيك

__________________________________________________ __________

>>>> الرد الرابع :

تبارك الله اختي تشهي شكراااا

__________________________________________________ __________

>>>> الرد الخامس :

بارك الله فيك. اليوم هنيتيني من العشا ههههههههههههه