عنوان الموضوع : اللي حابة تجيها اللوبيا بنييييينة تتفضل طبق جزائري
مقدم من طرف منتديات العندليب

سلام مضيئات منتدانا الغالي

بما أنو برتابلي تباع وماعنديش باش نصور طبخاتي وتطبيقاتي.فكرت نحط نصيحة لكل وحدة تحب تجيها اللوبيا تاعها بنيينة وصحية وتطيب في نص ساعه
اولا : تنقي اللوبيا وتغسليها مليح مبعد ترطبيها في ماء دافئ ليلة كاملة.ولما تجي تطيبيها ماتغليهاش في الماء هنااا سر البنة
تديري المرق عادي. بصلة وتكثري شوية الثوم. وشوية قصبر مقطعين رقيق وملح وفلفل اسود وشوية كمون وحبة طماطم حب حلوة وطماطم مصبرةوقطع جزر مقطعة مربعات واذا راح تديريها بالدجاج او اللحم قطعيه وقليه مع المواد كي تقلي كلشي نصفو اللوبيا من الماء ونحطوها تتقلى مع هديك الصوص مليح نزيدو كمية قليلة من الماء حتى تتشرب اللوبيا هدا الماء ونمرقوها وكمية الماء تكون كافية حسب اللوبيا وكمية الدواوات ونحطولها ورقتين من الرند ونغلقو الكوكوت وخليها تطيب وبعد نص ساعه او 40 دقيقة شوفي النتيجة واكيد زينيها بالقصبر او المعدنوس
هدي طريقتي الخاااصة في طياب اللوبيا والكل يحبو اللوبيا تاعي والحمدلله ويشكرو فيها.. حوحو يشكر روحو هههه
وهاد الطريقة تنطبق على باقي الحبوب مثل العدس والحمص
نتمنى تجربوها ولا تحرموني من ردودكم وتشجيعاتكم


تحميل صور


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

يسعدني ان اكون اول وحدة ترد عليك









__________________________________________________ __________

>>>> الرد الثاني :

نصائح في وقتها الله يعطيك الصحة ويكبرلك ولدك في طاعة الله اامين

__________________________________________________ __________

>>>> الرد الثالث :

شكرا ساجربها يوماما

__________________________________________________ __________

>>>> الرد الرابع :

المشاركة الأصلية كتبت بواسطة جزائرية
يسعدني ان اكون اول وحدة ترد عليك

اسعدني مرورك ياالغالية

المشاركة الأصلية كتبت بواسطة أم أسماء 2
نصائح في وقتها الله يعطيك الصحة ويكبرلك ولدك في طاعة الله اامين

اللهم اميييييييييين وربي يسلمك اختي

المشاركة الأصلية كتبت بواسطة بنت مسلمة
شكرا ساجربها يوماما

العفو حبيبتي

__________________________________________________ __________

>>>> الرد الخامس :






ربي يرزقك بالة تصوير وتمتعينا