عنوان الموضوع : ■ طَبَقْ مَكَانِش أأَسهَل مِنه ، بْنِيْن ومشبِع مَتفَوْتٌوش الفُرْصَة ■ طبق جزائري
مقدم من طرف منتديات العندليب



اليوم ولاول مرة جبتلكم طبق مكانش اسهل منه في 30 د توجدوه بنته ماتتوصفش ومشبع في نفس الوقت ومقاديره متوفرة في كل بيت منتطولش عليكم الهدرة اليكم وبالصور طريقة عمل البطاطا بزيت الزيتون بطريقة جديدة



1)- طريقة التحضير :
- جيبي كمية من البطاطا على حساب افراد العائلة ونحيلها القشرة انتاعها

- وقطعيها على اربعة باش يجو شوي كبار كيما في الصورة

- ممبعد ديريها في طنجرة وظيفي عليها كمية من الماء وكمية من الملح وديريها فوق النار وخليها تغلي مليح


- من جيهة اخرى حكمي حبات بيض ثاني على حساب العائلة وديريهم يفيضو فوق نار

- هذي البطاطا بعد مافاضت نحيناها من الطنجرة

- ممبعد كي يفيض البيض تقسمية على اربعة وتضيفيه للبطاطا وتديريلهم كمية من الملح تعرفوا البطاطا تبغي الملح بزاف باه تجي بنينة وتزيديلها زيت الزيتون تفرغيه فوقها وتخلطي بالمغرف باه يشمل هذاك الزيت كامل البطاطا



* وهذي هي في النهاية




إإن شاءء الله تعجبكم وديروها مكانش اسهل والذ منها تقول راكم تاكلو في الفرماج بنة ولا اروعــ وماتخذش منكم صوالح بززززاف وسهلة التحضير
أأنتظر ردودكم * في حفظ الرحمن *


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

يعطيك الصحة شكرا على الوصفه

__________________________________________________ __________

>>>> الرد الثاني :

وصفة ساهلة واقتصادية وبنينة....يعطيك الصحة....انا خطرات نزيدلها الجزر....والا حبات جلبانة...ومن الاحسن تفوريهم يطيبو بسرعة ويحافظو على المكونات....

__________________________________________________ __________

>>>> الرد الثالث :

طبق. خفيف سهل وسريع وأكيد بالنسبه لي لذيذ اممممم
يعطيك الصحه

__________________________________________________ __________

>>>> الرد الرابع :

ههههههههههه دخلت نجري كي عاد طبق سريع واذيذ لقيتو احسن طبق مفضل عندي انا وولادي
صدقيني يطلبوه بفامهم ديريلنا البطاطا بزيت زيتون ويديروها سوندويتش هههههههه

__________________________________________________ __________

>>>> الرد الخامس :

يعطيك الصحة اختي حتى انا نديره هو فعلا طبق لذيذ و صحي و سهل و سريع ههههه يعني كامل الأوصاف