سلق يهبل من مطبخي من مطبخي
عنوان الموضوع : سلق يهبل من مطبخي من مطبخي
مقدم من طرف منتديات العندليب
السلام عليكم ورحمة الله تعالى وبركاته
اليوم جيتكم بوصفة جديدة للسلق ان شاء الله تعجبكم
المقادير
السلق حسب افراد عائلتك تغسليه وتقطعيه
ربطة حشيش مقطفة مقطعة رقيق
شوية زبدة ولا مارغارين انا اخترت ماتينا
زوج مغارف طومعطيش تاع الباطة
شوية ارز
لحم مفروم
بيض وفرينة وشابلوغ
زيت للقلي
ملح وتوابل
صوص طماطم بالثوم
طريقة التحضير
تحكمي السلق اتخلطيه مع اللحم المفروم والروز وحشيش مقطفة والطومعطيش تاع الباطة واتديريلو قيس زوج مغارف زبدة او مارغارين واتديري الملح والتوابل كيما اتحبي
وتحطيهم يتفورو ف الكسكاس
بعدما يطيبوا تنحيهم واتخليهم يبردو شوية
واتشكلي منهم كويرات
اترمديهم ف الفرينة ثم البيض ثم الشابلوغ
وتقليهم
وانا حضرت صوص بالطماطم والثوم وقدمتها مع السلق ديالي
بالهنا والشفاء
متنساونيش من دعواتكم حبيباتي
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
يعطيك الصحة بالشفاء
__________________________________________________ __________
>>>> الرد الثاني :
يعطيك الصحة حاجة جديدة
__________________________________________________ __________
>>>> الرد الثالث :
اممممممممممم راه يشهي شكرا على الوصفة
__________________________________________________ __________
>>>> الرد الرابع :
ممممممممممممم يعطيك الصحة
__________________________________________________ __________
>>>> الرد الخامس :
يعطيك الصحة وصفة جديدة
مليح نغيرو شوية
رد مع اقتباس
