كيش بالجبن من مطبخي المطبخ الجزائري
عنوان الموضوع : كيش بالجبن من مطبخي المطبخ الجزائري
مقدم من طرف منتديات العندليب
:dj_1 7:
الليوم جبتلكم هدي الوصفة الرائعة تليق بالعرضات و حتئ في الحفلات الصغيرة خصوصا في هذا الشهر الفضيل
بدون اطالة نبدى في المقادير
مقادير العجينة
1 كاس حليب دافي
ربع كاس زيت
1 ملعقة اكل كبيرة سكر
1 ملعقة حليب كبيرة لحظة
1 م كبيرة خميرة الخبز
1 ملعقة صغيرة ملح
1 كاس و نصف فرينة
2 كاس ونصف فرينة اخرى
طريقة التحضير
نديرو الحليب الدافئ+سكر+بودرة|+خميرة و الملح و الكاس و نصف فرينة
نخلط الكل جيدا و نحطها تخمر 20 د في كوشة سخونة و طافية يكون هكا القوام ديالها
هايليك خمرت
نحبطها
و نظيفلها باقي الفرينة نشمخ يدي ب الزيت و نطمها تكون تلصق شويا عادي و نرجعها تخمر 15د
و هنا خمرت و اصبحت جاهزة
في وقت الخمرة الاولى نحظر لافيوند اشي
وفي الخمرة التانية نحظر كريمة الفرماج
تتبيلة اللحم المرحي
نقطع حبة بصل رقيق في 2 ملاعق زيت الزيتون و شويا ملح في مقلة نذبلها و نحيها
ثم في نفس المقلة نحط اللحم المرحي و الملح و الفلفل الاسود و سنة ص توم و نحلو مليح و في نص الطياب نزيدلو البصل
و انتهى
كريمة الفرماج
نصف لتر حليب
2بيضات
150غ جبن ابيض
5ملاعق نشا ما يعادل 70غ
1ملعقة كبيرة زبدة
ملح
فلفل اسود
نخلط الكل في كسرونة ماعادا الجبن و الزبدة
على نار هادئة و عند التكتل و تولي كريمة نطفي عليها ونزيدلها الجبن و الزبدة
و اتنهى
طريقة تحظير الكيش
نحظر لمول نديرلهم الزيت تم نجوزهم في لاشايليغ
نرش فرينة نحل العجينة رقيقة نقطعها
دوائر و نديرها في المول
ندير فوق العجينة شويا زيت الزيتون
تم لافيوند اشي
تم شويا لاشابلوغ
و بموساعدة الكيس الحلواني ندير كريمة الجبن و ةزينها بشويا فيوند اشي
و نمسح لاطراف بزيت الزيتون
و انتهى
ندخلها للفرن حتى نشوفو لاطراف تحمرت
و شهية طيبة
شوفو تدرج الطبقات ممممممم دوب فالفم
انتكر منكم التطبيق و التقييم
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
يعطيك الصحة
راكي سخفتيني وقلبي طاح
غدوة نديرهم باذن الله
__________________________________________________ __________
>>>> الرد الثاني :
المشاركة الأصلية كتبت بواسطة هند222 
يعطيك الصحة
راكي سخفتيني وقلبي طاح
غدوة نديرهم باذن الله
شكرا لك اختي تقدري تدي متحشميش هههههههههههههههههه
صوم مقبول انشاله انتظر منك التطبيق و الرايي
__________________________________________________ __________
>>>> الرد الثالث :
يهبلو اعطيك الصحة راح نجربهم اكيييييييييييييييييييييد شكرا ليك حنونة
__________________________________________________ __________
>>>> الرد الرابع :
مشاء الله تبارك الله
ادام عليكم النعمة
سأجربها في أقرب وقت
بارك الله فيك
تحياتى
__________________________________________________ __________
>>>> الرد الخامس :
Wiwi يعطيك الصحة حبيبة
رد مع اقتباس
