عنوان الموضوع : إلى كل وحدة فاتت على هاد الموضوع تدخل من مطبخي
مقدم من طرف منتديات العندليب

السلام عليكم ورحمة الله وبركاته وتعالى
أولا نشكر جميع الفحلات لي راهم فالمنتدى وجزاكم الله كل خير لأنو تعلمنا منكم ياسر حاجات ونهدر على روحي راني 17 سنة فرات صدقوني دخلت للمنتدى نعرف نخدم غير الفريت ودرك راني ندير فالبربوشة والشخشوخة والتليتلي .... وهذا بفضلكم نتوما لي عطيتونا من وقتكم ومازلتو تعلمو فينا ربي يجعلها في ميزان حسناتكم
ثانيا بغيت نطلب منكم تعطيوني شوي وصفات لحوايج مانجحتش في تطبيقهم
أولهم الكسرة لي هيا المطلوع نحب تمدولي المقادير والطريقة بالتفصيل الممل وادا مديتو مقادير مدو حوايج باينين مثل كاس تاع حديد ولا باطا تاع زبدة مهم حاجا معروفة جربت الرخسيس تاع ladymillion والله جا مشاء الله جربت بزاف حوايج وخرجولي هايلين مادابيا تزيدو تمدولي وصفة المسكوتة البسبوسة وقلب اللوز لا بيري شربة فريك الغرايف لا موس بطاطا فالفور المحجوبة ركزولي مليح عليها وشخشوخة الورق هادو هوما من فضلكم تساعدوني منيش مزروبة عليهم ولكن مصرة نتعلمهم نحب كي نهز وصفة نطبقها بالمقادير والطريقة الصحيحة خلاص مرة زوج نخرج عليها ودا شفتوهم عدن أعضاء وخرجولهم ناجحين معليش حطو الرابط برك ايه تفكرت كاين بزاف مواضيع تاع أم رامي مايحبوش فاسدين علاه ؟
المهم دمتم في رعاية الله



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

ماشاء الله عليك بنتي ربي يوفق

بالنسبة لام رامي راهي دارت مدونة موجود الرابط في امضائها ومنبعد بنتي ندخل ونحطلك روابط ملاح

__________________________________________________ __________

>>>> الرد الثاني :

المشاركة الأصلية كتبت بواسطة modest girl
السلام عليكم ورحمة الله وبركاته وتعالى
أولا نشكر جميع الفحلات لي راهم فالمنتدى وجزاكم الله كل خير لأنو تعلمنا منكم ياسر حاجات ونهدر على روحي راني 17 سنة فرات صدقوني دخلت للمنتدى نعرف نخدم غير الفريت ودرك راني ندير فالبربوشة والشخشوخة والتليتلي .... وهذا بفضلكم نتوما لي عطيتونا من وقتكم ومازلتو تعلمو فينا ربي يجعلها في ميزان حسناتكم
ثانيا بغيت نطلب منكم تعطيوني شوي وصفات لحوايج مانجحتش في تطبيقهم
أولهم الكسرة لي هيا المطلوع نحب تمدولي المقادير والطريقة بالتفصيل الممل وادا مديتو مقادير مدو حوايج باينين مثل كاس تاع حديد ولا باطا تاع زبدة مهم حاجا معروفة جربت الرخسيس تاع ladymillion والله جا مشاء الله جربت بزاف حوايج وخرجولي هايلين مادابيا تزيدو تمدولي وصفة المسكوتة البسبوسة وقلب اللوز لا بيري شربة فريك الغرايف لا موس بطاطا فالفور المحجوبة ركزولي مليح عليها وشخشوخة الورق هادو هوما من فضلكم تساعدوني منيش مزروبة عليهم ولكن مصرة نتعلمهم نحب كي نهز وصفة نطبقها بالمقادير والطريقة الصحيحة خلاص مرة زوج نخرج عليها ودا شفتوهم عدن أعضاء وخرجولهم ناجحين معليش حطو الرابط برك ايه تفكرت كاين بزاف مواضيع تاع أم رامي مايحبوش فاسدين علاه ؟
المهم دمتم في رعاية الله


ماشاء الله عليك هذا واش نقول وربي يكثر من أمثالك وإن شاء الله مدام قلبك حار وحابة تتعلمي راحية توصلي وترجعي شاف كي اليوم نوليو نديو الوصفات من عندك
نجاوبك على واش نقدر :
1/ ام رامي دارت مدونة ونقلت مواضيعها لثمة راهي في توقيعها تلقايها .
2/ المطلوع نقولك القرصة نتاعو جي فيها من 150غ-200غ قرصة صغيرة شوية مدام راكي تتعلمي حتان تمشي يدك ديري القرصة صغيرة وهذو 2 وصفات روووووعة :
https://www.djelfa.info/vb/showthread.php?t=1229176
https://www.djelfa.info/vb/showthread...E1%DF%E6%D4%C9

3/ المسكوتة كاين بزاف وصفات روووووووووووووعة جربتهم هاكي هذو :
هذي اقتصادية وهشوشة بزاف هايلة :
https://www.djelfa.info/vb/showthread.php?t=621952
وهذي وصفة الكيك نتاع المحلات مجربتها ثاني مليحة :
https://www.djelfa.info/vb/showthread.php?t=908861
أما إذا حبيتي جينواز ديري بيها تارت فانا هذي هي مفضلتي ومانبدلهاش مستحيل نتاع أم رامي ندير بيها لي تارت رووووعة تقول مشرية التارت :
3 بيض مفصولين ولكل بيضة دائما نحسب ملعقتين سكر وملعقة كبيرة زيت وملعقة كبيرة نشاء وأخرى فرينة مع قبضة خميرة كيميائية
نخفق البياض مع نصف كمية السكر والصفار مع النصف الآخر من السكر ثم نضيف الزيت أو المرغرين الطرية حتى نتحصل على خليط يشبه كريمة الزبدة
نمزج بملعقة الخليطين مع إضافة الفرينة والنشاء والخميرة منخولين وعلى دفعات
ندهن صينية بالمرغرين ونرش عليها الفرينة نسكب الخليط ..الى الفرن


شوفي السر في المسكوتة هو طريقة الطياب ، يعني تسخني الفرن مليح على 80-200° وجخليها طيب حوالي 10-15د كي تشوفيها طلعت نقصي رجعيها 150-160° باش طيب مليح من داخل وجيك خفيفة لو كان ماتنقصيلهاش جيك معجنة من داخل وتحمار بسرعة من برا


4/ البسبوسة : جربت هذي هايلة :

https://www.djelfa.info/vb/showthread...D3%C8%E6%D3%C9

5/ قلب اللوز مجربتها ثاني هايلة هاهي الوصفة :
نصيحة زيدي مع الخليط شوية فقط نتاع خميرة حلويات جيك هشوشة تهبل أنا زدت شوية فقط حليب أثر لازم الخليط مايكونش يابس وماشي جاري بزاف وحمريها مليح في الفرن مليح مليح حتى تلي بني غامق وكي تسقيها غطيها وخليها تبات مممممممم
https://www.djelfa.info/vb/showthread...C7%E1%E1%C8%E4

6/ أحسن وصفة نتاع لا بيري بدون منازع هذي ومجربتها راهي رووووعة نتاع ام رامي أنا نديرها مع الجاج ولا صوص نتاعو :

قشريهم وخليهم حاميين شوية حطيهم في الروبو، زيدي ملح فرماج كيما تحبي قد ما تكثري تجيك بنينة +كاس تاي حليب دافىء **هذه عادية
الآن الإضافة اللي تعطيها بنة رائعة هي :
صفار بيضة وإذا كانت البطاطا كثيرة ديري بيضة كاملة +ملعقة خل كبيرة + فنجان قهوة زيت واللي يحب نكهة الثوم يدير ربع فص مرحي، شغلي الروبو وخليها مدة باه تجيك مليحة
لأنه وبكل بساطة هذه مكونات المايونيز لما تمتزج تطلع وتخثار وتطلع معاها البطاطا وتعطيها بنة وخفة جربوها باه تعرفوا ذوقها
الزيت يسكب كيما المايونيز يعني خيط رقيق
حطيها في صحن التقديم وزينيها بالطون نتاع الطماطم

7/ شربة فريك هاكي هذي ماجربتهاش لكن نفس طريقتي في الشربة ركزي في الشوربة على اللحم+الدبشة والكرفس
https://www.djelfa.info/vb/showthread.php?t=1008720

8/ الغرايف أسهل وأحسن وصفة ديما نديرها تححححححفة لكن الماء انا مانقيسش يعني ندير 2 كيسان ماء ونشوف إذا تحتاج ولا يكفي لازم يكون الخليط جاري بصح ماشي كي الماء وساعات نزيد فيه بيضة وهذي الكمية راهي مليحة تعطيك حوالي 13 قرصة
https://www.djelfa.info/vb/showthread...CA%CE%E3%C7%D1

9/ لا موس كاين بزاف وصفات وكلهم ناجحين في المنتدى نعطيك هذي أنا جربتها هايلة
https://www.djelfa.info/vb/showthread.php?t=1418804

10/ أحسن وصفة بطاطا هذي بصح ديريها في الكوكوط خير من في الفور أسرع وأسهل روووعة بمعنى الكبمة
https://www.djelfa.info/vb/showthread...7+%DF%E6%D4%C9

11/ المحجوبة و شخشوخة الورق نخلي وحدة أخرى تعاونك فيهم أنا تعبت

__________________________________________________ __________

>>>> الرد الثالث :

جزاك الله كل خير وربي يحفظك إلهام07

__________________________________________________ __________

>>>> الرد الرابع :

شوفي اختي طريقة جاري الفريك هنا وكاش سؤال اني نجاوبك

https://www.djelfa.info/vb/showthread.php?t=1527466

__________________________________________________ __________

>>>> الرد الخامس :