عنوان الموضوع : الغرايف بالخطوات و الصور من مطبخي طبق جزائري
مقدم من طرف منتديات العندليب

بسم الله الرحمن الرحيم


اليوم بنتي دخلت اول مرة للمدرسة

كان المفروض اول يوم البارح ، ما دخلتش و قال المدير غدا ان شاء الله و رجعوهم

المهم قلت انا ما دخلت علاه ندير الغرايف خلي حتى لغدوة



اليوم كي العادة عملت الغداء طيبت الكسرة خخخخخخخخخخخخ و زدت عملت العشاء باه نتهنا منو مرة وحدة

و تذكرت بلي ما عملتش الغرايف


و حنا في عاداتنا الطفل لما يدخل للمدرسة لازم يعملولو السفنج و الغرايف

السفنج عملتو

لكن الغرايف خليتها ليوم تدخل ان شاء الله

المهم نبقاو حاكمين في عادات الجدود ما يديناش تيار التقدم

المهم تذكرت الاخت اسماء لي قاتلي نعمل موضوع على الغرايف

و بناتي يحبو الغرايف

امالا عملتها اليوم للغداء و صورتها يد فالعجين و الطياب و نصور

و نبدا اولا بالمقادير :

الدقيق " السميد " انا استعملت صحن تاع السربة صغير على قد عائلتي

انا فالغرايف عكس فالمحجوبة نستعمل الدقيق المتوسط و الخشن يجي هايل فيها

كاس صغير فرينة " الفرينة فيها العلك "

ملح حسب الذوق انا استعملت ملعقة صغيرة ملح

مائ دافئ

ملعقة صغيرة خميرة تاع الكسرة

التحضير :

نخلط المكونات الجافة مع بعض ، ثم نبدأ نبلل بالماء الدافئ مع حك العجين بالكف " نعملوه مثلما نخدم الغريبية أو الصابلي حتى يصبح كريمة "
و كل مرة نضيف الماء بالتدريج حتى تصبح العجينة لا هي سائلة و لا هي يابسة

تقريبا مثل اللبن الرائب

ننقلها لقدر نغطيها و نتركها تخمر مدة نصف ساعة

و بواسطة المغرفة نهز المزيج و نعيده إلى القدر مع تكرار العملية حتى ندخل اليه الهواء

و لما تختمر و يتضاعف حجمها نبدأ في طهيها

و هاذي الصور :


























المفروض تطهى من الأسفل فقط لكن انا نحب نعرضها لحارة الطاجين 5 او 10 ثواني















خخخخخخخخخخخخخخخخخخخخ

و هادا واش عملت للعشاء و الغداء

خلطتها خالوطة




معكرونة بالجبن و المايونيز






طاجين شطيطحة جاج و بيض مع الحمص




و بيتزا فالمنزل كون يلقاوها كل يوم ما يقولوش لالا




>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

ماشاء الله تبارك الرحمان
تاكلوهم بالصحة والهناء
وان شاء الله بنتك تخرج حاجة مفرحة ليك وليها يارب

بعثيلي شوية غرايف بيناتنا برك هههههههههههه هذا وين كنت نقرى موضوع عليهم سخفتوني

__________________________________________________ __________

>>>> الرد الثاني :

merciiiiiii habibbti shattraaa allah ibarakkkk fik

__________________________________________________ __________

>>>> الرد الثالث :

ya3tik essaha baraka elahou fiki

__________________________________________________ __________

>>>> الرد الرابع :

يعطيك الصحة
jak raw3at

__________________________________________________ __________

>>>> الرد الخامس :

ماشاء الله اختي شهيتينا الغرايف نفس طريقة ماما ربي يحفظها