عنوان الموضوع : *-*بيتزا،ميني كرواسون و خبيزات محشية بعجينة واحدة*-* طبق جزائري
مقدم من طرف منتديات العندليب



كي العادة حبيت نشارككم هذه الوصفة المتواضعة و السهلة

هي عبارة عن عجينة واحدة تقدري تعملي بيها البيتزا و الكرواسون و الخبيزات المحشية بواش حبيتي

طولوا بالكم معايا برك تعرفوني نحب التفاصيل المملة باش اللي ما يعرفش يتعلم و اللي يعرف يقول ياااااااااا و الله غير راني ندير كيفها هههههههههه



**المقادير نتاع العجينة مع طريقة تحضيرها

-2 كيسان حليب دافئ -1 م ك خميرة الخبز - 1 م ص سكر-1 كاس فرينة نخلط هاته المكونات بالفوي جيدا و نغطيها ببلاستيك و ندعها تختمر مدة 15 د

[IMG][/IMG]
- بعد ما اختمرت راح تتضاعف مرتتين حجمها

[IMG][/IMG]
--نضيف لها الآن الفرينة و الملح ثم نكمل بالفرينة حتى نحصل على عجينة طرية
--نضيف للعجينة 2 م ك مرغرين طرية بدرجة حرارة الغرفة و نمزجها جيدا مع العجينة
--نقسم العجينة إلى 6 حصص حصتين كبيرتين متساويتين (للبيتزا) و 4 حصص متساوية متوسطة(للكرواسون)
--نخدمو بالعجينة مباشرة لا ندعها تختمر مرة أخرى بالنسبة للبيتزا

[IMG][/IMG]


**للبيتزا نحتاج لاصوص حمرا + جبن شيدار مبشور + زيتون أسود و لحم مرحي مطبوخ أو تونة أو شوارما دجاج كيما تحبي

--نقرصو العجينتين واحدة في بلاطو مستطيل و الأخرى في بلاطو مدور بحيث تكون العجينة أكبر بقليل من البلاطو المدور لأننا راح نحشيها جبن

--نحشي البلاطو المدور بالجبن و نضع لاصوص فوق العجينتين نزينها بالزيتون و اللحم المرحي و نضيف الجبن للبلاطو المدور فقط لأننا راح نعمل واحدة بالجبن و الأخرى بدونه
[IMG][/IMG]

[IMG][/IMG]

[IMG][/IMG]


[IMG][/IMG]


** تكوني سخنتي الفور على أقصى درجة ضعي البلاطوات في زوج واحد في الرف العلوي و واحد فوق غطاء النار م و نقصي للفرن إلى 250 ما تخافيش راح تطيب بلا ما تتحرق و تجي كيما نتاع برا رووووووووعة خليها حتان تحمار من تحت


**للكرواسون نحتاج مرغرين طرية و صفار بيضة ممزوج بملعقة قهوة سائلة

--قرصي الكريات الأربعة و ضعي بين كل طبقة و طبقة الزبدة الطرية و كي تكملي أغلقي الأطراف باش ما تخرجلكش الزبدة


[IMG][/IMG]

[IMG][/IMG]

[IMG][/IMG]
--ثم حلي العجينة طوليا

[IMG][/IMG]
--ثم اطويها هكذا
[IMG][/IMG]

[IMG][/IMG]

[IMG][/IMG]

--ثم حليها مرة أخرى بلاما تخليها ترتاح لكن بتأني راح تخرجلك الزبدة من الوجه ما تخافيش ذري عليها الفرينة فقط و كل ما تزيد تخرج ذري الفرينة

[IMG][/IMG]

--قصي الجوانب و خرجي مستطيلين و مثلثات لكن ما ترميش الحواشي طيبيهم معاهم

[IMG][/IMG]



--احشي المستطيلين سواء بالشكولا أو اللحم المرحي و الجبن و لفي
--الكرواسون أعملي شق صغير في قاعدة المثلث عاموديا و لفي حتى تحصلي على ميني كرواسون
--ادهني الوجه بالصفار و خليها تختمر حتى يتضاعف حجمها

[IMG][/IMG]


هنا بعد ما طاب كلشي

[IMG][/IMG]

[IMG][/IMG]


[IMG][/IMG]


[IMG][/IMG]

وهنا من الداخل يجي مقرمش من برا و خفيف و لذيذ من الداخل يميمي

[IMG][/IMG]



البيتزا جات هايلة اللي طابت في الرف العلوي جات طرية و اللي طابت في الرف السفلي جات مقرمشة يميم و الجوانب نتاع الكرواسون جاو مقرمشين رووووووووعة مع قهوة لعشيا


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

تسلم الأيادي روعة

__________________________________________________ __________

>>>> الرد الثاني :

المشاركة الأصلية كتبت بواسطة ام ولي
تسلم الأيادي روعة

شكرا لك عزيزتي هزي واش بغيتي أنت أول وحدة تحط رد

__________________________________________________ __________

>>>> الرد الثالث :



__________________________________________________ __________

>>>> الرد الرابع :

انا نهز حبة من بيتزا وحبة من كرواصون ولباقي نخلي لشعب لورايا وعلى تفاصيل مملة على قولك
على هذي كي نشوف اسمك ندخل حقة اختك لخدمتلها بقلاوة زيدت ولا يجعلها كلشي مبروك وراني جربت
دوبارة نتاعك جات هايلة يعطيك الصحة ربي يحفضلك اياد واحمد امين

__________________________________________________ __________

>>>> الرد الخامس :

المشاركة الأصلية كتبت بواسطة الأمنيات

شكرا لك عزيزتي الأمنيات منورة

المشاركة الأصلية كتبت بواسطة ام فريال
انا نهز حبة من بيتزا وحبة من كرواصون ولباقي نخلي لشعب لورايا وعلى تفاصيل مملة على قولك
على هذي كي نشوف اسمك ندخل حقة اختك لخدمتلها بقلاوة زيدت ولا يجعلها كلشي مبروك وراني جربت
دوبارة نتاعك جات هايلة يعطيك الصحة ربي يحفضلك اياد واحمد امين

الصحن كامل ليك
شكرا لك عزيزتي
أختي زيدت و الحمد لله و جابت وليد سماتو محمد زياد
ربي يبارك فيك عزيزتي بصحتك الدوبارة