عنوان الموضوع : طاجين في مول expresse المطبخ الجزائري
مقدم من طرف منتديات العندليب

طاجين السلق في مول a cheminé ولا حتى السيليكون ... بزاف بنين وزيد بلخف رايح يوجد
المقادير وطريقة التحضير في نفس الوقت
طيبي 150 غ لحم مفروم في شوية زيت تبليه بشوية برك ملح وفلفل اسود ... نحيها من المقلة وديري فيها ربطة نتاع السلق لي كنتي غسلتيه وقطعتيه رقيق زيديلو شوية زيت ... وقليه 10 د ونتي تحركي على نار قليلة زيدي 3 سنات ثوم مفرومين وحركي زيدي 2 حبات طماطم يكونو مقطعين مكعبات ... خلطي مليح و زيدي الملح و الفلفل لاكان خاص ... نحي كلش من النار وخلطيه مع اللحم المفروم لي كنتي طيبتيه.... زيديلهم 50 غ حتى 100 غ جبن رابي و 1/4 م ص كمون و 1/4 م ص قسبر مطحون طبعا ... خلطي مليح .. وضربي 4 بيضات وضيفيهم على الخليط ..فرغي هذا الخير كامل في مول سيليكون ولا ما كانش ديريه في مول الموسكوتشو ولا التارت نتاعك ودخليه يطيب في فرن مسخن مسبق 180 درجة 15 الى 20 د ... نحيه وخليه شوية يبرد وديموليه .. وزينيه بشوية فرماج رابي وقصبر طازج ...
انشاء الله تكون الوصفة عجبتكم ...ملائمة خاصة للاطفال لميبغوش ياكلو السلق


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

بارك الله فيك وجزاك خيرا

__________________________________________________ __________

>>>> الرد الثاني :

المشاركة الأصلية كتبت بواسطة أم مبين
بارك الله فيك وجزاك خيرا

الله يبارك فيك يا الحبيبة ... انشاء الله تجربيه و منخيبش ظنك ... رمضان كريم مسبقا

__________________________________________________ __________

>>>> الرد الثالث :

اممممممممممممممممممممممممم انا نموت على السلق وغراتان اكيد يجي روووووووووووعة تسلم الايادي
وبارك الله فيك على كل الوصفات الخفاف اللي راكي تفيدينا بيهم

__________________________________________________ __________

>>>> الرد الرابع :

المشاركة الأصلية كتبت بواسطة MINA-NINA16
اممممممممممممممممممممممممم انا نموت على السلق وغراتان اكيد يجي روووووووووووعة تسلم الايادي
وبارك الله فيك على كل الوصفات الخفاف اللي راكي تفيدينا بيهم

الله يبارك فيك

__________________________________________________ __________

>>>> الرد الخامس :

بارك الله فيك اختي انا نحب السلق وهذي فكرة جميلة