لي كورني سالي محشيين من مطبخي
عنوان الموضوع : لي كورني سالي محشيين من مطبخي
مقدم من طرف منتديات العندليب
نزولا عند طلب الاخوات اليكن لي كورني سالي
هذي المقادير دارتلي تقريبا 30حبة
المقادير:
03 كأس فرينة
ذرة ملح
01 م ك خميرة خبز
05 م ك زيت
01 م ص خميرة قاطو
ونخلط كلش مع بعض مليح و نبدا نسقي بالما دافي حتى تتلم العجينة و نعجنها ماشي بزاف نغطيها و نخايها تخمر على حسب حرارة الجو
لما تختمر نحلها بالحلال سمك 05 مم ثم نقطعها شرائط ماشي عراض يكونو رقاق و نلفهم على القمع حتى نكمل لعجينة نستفهم في بلاطو مدهون بالزيت و ندهنهم بالبيض مخلط بشوي قهوة و نرش الجنجلانية او سينوج و نشعل من تحت ثم من لفوق
للامانة هذي العجينة هزيتها من احدى المنتديات و الشكر موصول لصاحبته
نأتي للحشو
كريمة الجبن انا شخصيا لقيت البيشاميل و نحط فيها مورسو كبير نتاع جبن احسن و كل واحد و ذوقو و نخلط فيها زيتون اسود او اخضر مقطع رقيق و شةية لحم مرحي او كاشير مقطع رقيق و شوية سلاطة مقطعة رقيقة مع ماييس .....المهم كل واحد و مقدورو
و خلي شوية بيشاميل ملفوق و اغطسي لكورني في شيدار مراني في الرقيق
شهية طيبة دعوة خير في ظهر الغيب و لكن بالمثل و اذا حبيتو تقيموني ماعليه قابلة ههههههههههههه
هذه بعض الصور من النت للتوضيح اكثر
وندخلهم للفرن مجرد ما يدوب الفرماج نخرجهم
راكم تشوفو صاحبة الصور حطت القمع واقف انا القمع نتاعي مايقدرش يوقف جاي مائل و لي القمع نتاعها يوقف هذه هي الطريقة المثلى و تشعليلو ملفوق فقط القمع يختلف شوفو
هنا راهو مسطح
و شوفو هذا مائل
نتمنى افدتكن بالنقل
في رعاية الله
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
يعطيك الصحة منال يبانو بنان
شكرااااااااااااااااااااااااااا
__________________________________________________ __________
>>>> الرد الثاني :
بارك الله فيك،و لك و رزقك الجنة.
رائع ما شاء الله.
__________________________________________________ __________
>>>> الرد الثالث :
المشاركة الأصلية كتبت بواسطة mounia hse 
يعطيك الصحة منال يبانو بنان
شكرااااااااااااااااااااااااااا
و الشكر موصول لك حبيبتي مونية وشكرا على التشجيع
المشاركة الأصلية كتبت بواسطة مريم سلمى الجزائرية
بارك الله فيك،و لك و رزقك الجنة.
رائع ما شاء الله.
مريووومة حنونتي مرورك الاروع و لك بالمثل الف شكر
__________________________________________________ __________
>>>> الرد الرابع :
ربي يخليك ويوفقك منال
يعطيك الصحة على الوصفة والنقل المفيد
__________________________________________________ __________
>>>> الرد الخامس :
و الشكر موصول لك دائمة الحمد على الرد و المروور العطر
رد مع اقتباس
