عندي عرضة ممكن تساعدوني من مطبخي
عنوان الموضوع : عندي عرضة ممكن تساعدوني من مطبخي
مقدم من طرف منتديات العندليب
السلام عليكم
اصدقاء زوجي رايح يعرضهم لكن والله حرت وش نطيبلهم
الافكار كاين والوصفات كداك ما شاء الله راكم وفيتو وكفيتو...لكن علبالي بني راه اهبلني وميخلنيش (عمره 5 اشهر الله يبارك)
اعطوني كشما مقبلات تكون خفيفه ...المهم متكونش بالعجينة المورقه راني منعرفهاش ومكتبش ربي قاع باش نجربها وثاني كشما تحليات ومتكونش بالكرام شونتي ..
هدا وش راني مسحقه
وصحيتوا
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
ديري بالعجينة السحرية انتاع ام اماني مجموعة من أشكال مختلفة مثل الوردة و الكورني و فكرة فلة بالزيتون الأخضر و ميني كرواسون و على شكل سوفلي ......و هناك أشكال أخرى و حطييهم كااامل في صحن كبير مع بعض المعدنوس و القارس ووردة بقشرة الطماطم و التحلية ديري فلون بالطبقات و ديري كيوي مع فراز و أناناس كامل قطعيهم قطع شوي كبار و ذرذري فوقهم السكر بعد نصف ساعة تلقاي عصير هااايل و ضعيهم في أكواب جميلة راني مجربتها اجي اتهبل
__________________________________________________ __________
>>>> الرد الثاني :
اختي عندك المثلجات راهم ساهلين وتقدري تخدميهم قبل بليلةوتحطيهم في لبول شفاف على ذوقين كيما درت انا لضيافي فراز وفاني وغدوةمن ذاك ديريلهم كراميل اوذوبي شكولا ودريها فوقهم وذرذري القوفريط عليهم والله غير يجو روعة عن تجربة او تقدري ديري فواكه وتقطعيهم رقاق وكيطلقوالماء دريهم في كيسان شفاف وذرذري عليهم الكوكاومرحي او اللوز يجو ثاني روعة
اتمنى اني نكون افدتك
على فكرة المثلجات 15 دقيقة ويكونو واجدين والى المجمد
__________________________________________________ __________
>>>> الرد الثالث :
المشاركة الأصلية كتبت بواسطة ام الهضاب 
ديري بالعجينة السحرية انتاع ام اماني مجموعة من أشكال مختلفة مثل الوردة و الكورني و فكرة فلة بالزيتون الأخضر و ميني كرواسون و على شكل سوفلي ......و هناك أشكال أخرى و حطييهم كااامل في صحن كبير مع بعض المعدنوس و القارس ووردة بقشرة الطماطم و التحلية ديري فلون بالطبقات و ديري كيوي مع فراز و أناناس كامل قطعيهم قطع شوي كبار و ذرذري فوقهم السكر بعد نصف ساعة تلقاي عصير هااايل و ضعيهم في أكواب جميلة راني مجربتها اجي اتهبل
والله فكرة مليحه
لكن ممكن الرابط ...وادا ممكن فلون الطبقات تعطيني الوصفه
وصحيتي
المشاركة الأصلية كتبت بواسطة سرور2
اختي عندك المثلجات راهم ساهلين وتقدري تخدميهم قبل بليلةوتحطيهم في لبول شفاف على ذوقين كيما درت انا لضيافي فراز وفاني وغدوةمن ذاك ديريلهم كراميل اوذوبي شكولا ودريها فوقهم وذرذري القوفريط عليهم والله غير يجو روعة عن تجربة او تقدري ديري فواكه وتقطعيهم رقاق وكيطلقوالماء دريهم في كيسان شفاف وذرذري عليهم الكوكاومرحي او اللوز يجو ثاني روعة
اتمنى اني نكون افدتك
على فكرة المثلجات 15 دقيقة ويكونو واجدين والى المجمد
شفت مثلجات الاخت ام رامي على ما اعتقد وجاوني ساهلين ومكتبش ربي نجربهم ....وثاني فركة الفواكه روعه ...
ربي يخليك اختي
__________________________________________________ __________
>>>> الرد الرابع :
https://www.djelfa.info/vb/showthread.php?t=1305317
https://www.djelfa.info/vb/showthread.php?t=1216072
__________________________________________________ __________
>>>> الرد الخامس :
انا في الحقيقة معنديش خبرة في العرضات لانه موالف يما هي الي دبر و انا نعاون برك نرفد و نحط و نخمل الدار هههههه بصح لوكان زعما ديري شربة فريك بالبوراك لانه البوراك تقدري تخدميه من قبل و ديريه في المجمد و ديري مثوم و التحلية ديري هاذاك تشيز كايك بدون جيلاتين راهي كاينة الوصفة هنا في المنتدى روووووعة ينبهرو فيه ضيوفك و زيد مايخذ والو وقت 30 دقيقة توجديه و ديريه يبرد انا درتو عدة مرات
ربي يقدرك و يخليلك وليدك انشاء الله
رد مع اقتباس
