عنوان الموضوع : للي مايحبوش البادنجان ...قوارب البادنجان بلابيشامل ...هبااال طبخ جزائري
مقدم من طرف منتديات العندليب

إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.



اللهم صل على سيدنا محمد صلاة ترضيك وترضيه وترضى بها عنا يا رب العالمين

وعلى اله وصحبه اجمعين والتابعين باحسان الى يوم الدين:



وش احوالكم يا بنات
نتمنى تكونو كامل بخير وبصحة وفي رضى من رب العالمين

حبيت نوريلكم وصفة هايلة للبادنجان
حتى انا راجلي مايحبوش
غير حميص او يكون مفور ومنسم
لكن لما درتو بهاذ الطريقة
مابقا في الصحن غير ليدام

شوفو شكل الوصفة اولا للتشويق





والبنة هايلة والله واللي تجرب باذن الله راح يعجبها ويعجب عايلتها


نرحو للوصفة
طبعا اساسها البادنجان


والله غير باهي البادنجان مسكين مافهمتش علاه الرجال مايحبوهش
هههههههههههه

انا غسلتو ودرتو بقشورو
للي حابة تقشرو ماكانش مشكل
نغسلوه ونقصه بالعرض على حساب كبر الحبة
الى ثلاثة او اربعة
ونجوفو بالوحدة من جهة واحدة فقط كما في الصورة ونقلوهم
ونحطوهم من الاحسن على ورق نشاف ينحي الزيت الزايد



نكونو موجدين لحم مرحي طيبناه في شوي زيت مع بصل ومعدنوس فلفل اكحل وملح


نحشوهم ونحطوهم على جهة

و اللي نحيناه كي خوّينا البادنجان نقصوه طراف ونقليوه عادي





نقليو معاه شوية بطاطا روندال



ونوجدو شوية بيشامل
كل مغرف زبدة بمغرف فرينة على نار مع التحريك مليح
معاهم كاس حليب ونحركو حتى تعقد
نزيدو نص مغرف صغيرة ملح وكيفها فلفل اكحل
واذا كان درتي كمية كبيرة من البادنجان زاودي البيشامل





كي تطيب نزيدو 2مغارف فرماج ونطفيو

نحطو البيشامل في صينية الفور


ونرصو البطاطا والبادنجان وفتاته بهاذ الشكل



ونسقيوه بالبيشامل كامل

ونخليو حوالي 3 مغارف نزيدو عليهم بيضة ونخلطو ونلوحوها من فوق



ونزيدو رشة معدنوس


نحطوه في الفور حوال 25 دقيقة على نار فوق المتوسطة
ونحمروه شوية من فوق
وهذا شكله


بنيييييييين


تحبي تذوقي؟
هممممممممممممممم


نتمنى تجربوه
وكما يقولو العين تاكل قبل الفم
والتغيير مليح



ماتنساوش ام انيس من صالح دعائكم يا بنات
ربي يرضى علينا ويجعلنا من عباده المخلَصين

الى وصفة اخرى

إضغط هنا لرؤية الصورة بحجمها الطبيعي.إضغط هنا لرؤية الصورة بحجمها الطبيعي.




>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

بارك الله فيك اختي يشهي حتما نجربو

__________________________________________________ __________

>>>> الرد الثاني :

اممم..يعطيك الصحة تبان هايلة
بارك الله فيك

__________________________________________________ __________

>>>> الرد الثالث :

merci pour la recette ,car on a des difficultés à faire aimer les aubergine
je vais l’essayé bientôt

__________________________________________________ __________

>>>> الرد الرابع :

مبدعة كما عهدتك
ربي يحفظك ويسر امرك يا رب

__________________________________________________ __________

>>>> الرد الخامس :

المشاركة الأصلية كتبت بواسطة ام راضية
مبدعة كما عهدتك
ربي يحفظك ويسر امرك يا رب

ربي يحفظك حبيبتي من بعض ماعندكم يا اختي
اللهم اميين اجمعين حنونة
يسعدني لما نلقى مشاركاتك في مواضيعي والله
اني احبكي في الله