عنوان الموضوع : افخاذ الدجاج محشوة على طريقتي طريقة جزائرية
مقدم من طرف منتديات العندليب

احيانا يشق عليك ديزوسي دجاجة كاملة ،او انك تستكثريها على عايلتك لانها قليلة العدد،اولانو دجاجة كاملة غير متوفرة اساسا
لذلك نقدمللك وجبة جدا لذيذة وشكلها مغري،باستعمال فخذ كامل مع نصف صدر الى جانب مكونات اخرى استعرضها تباعا
وقبل هذا وذاك نوريلكم طريقتي في نزع العظم من الفخذ مع سر مقدسي صغير اكيييد راح يعجبكم:


نمسكو الفخذ من الجانبين ونمفصلوه الى الاعلى،هكذا جزء الفخذ اللي على اليسار عظمو يتنزع بكل سهولة


نمشو مع العظم بالسكين ونقصو عند المفصل



بالسكين نقصوداير ساير على غضروف عظم الساق بلاما نقصو لحم الساق


نحطو السكين بنهاية الساق ودقة صغيرة بمطرقة او اداة ثقيلة حتى ينكسر العظم



نحكمو غضروف عظم الساق ونسحبو راح يجي في يدينا بلا نستعملو سكين



وهكذا نتحصلو على ساق موش مفتوحة وراح تهز كمية معتبرة من الحشو

اما الحشو نحتاج نصف صدر والمكونات الظاهرة بالصورة ،تقطع وبها الى الخلاط






ناخذ الفخذ ونحمروه في الزيت ،اماتبقى من حشو نحشيو بيه فخذ ثاني او نعملوهم كرات نغمسوهم في الفرينةونقلوهم في الزيت

نوجدو صوص بيضاء بالعظومة ونرمو فيها الزيتون الاخضر ووكرات الدجاج


ناخذ الفخذ ونغلفوه بالالمنيوم مرتين ونحطوه على الصوص البيضاء


بعد حوالي 45د الى ساعة يكون الصوص خثار نخرجو الفخذ ونخليوه يبرد ونقطعوه دوائر


وهذا شكله النهائي مرفق بالمرق

لاتنسوني من صالح دعائكن اخواتي الكريمات
في امان الله


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

امممممممممممممممممممم والله شهيتيني

يعطيك الصحة يا اختي مواضيعك رووووووووعة

وانا من متتبعاتك.........حتى ماما شافت الموضوع وعجبها بزااااااف

اقتصادي ويحمر الوجه قدام الضياف


حبيبتي ادا ممكن وصفة الصوص البيضا بالتفصيل


ربي يخليك لينا ولا يحرمنا من مواضيعك

__________________________________________________ __________

>>>> الرد الثاني :

جزاك الله كل خير
عجبتني الفكر انشاء الله نجربها


__________________________________________________ __________

>>>> الرد الثالث :

مممممممممممممممممم

ممتاز

يعطيك الصحة


فعلا رااااااااااااااااااااااااااااااائع

__________________________________________________ __________

>>>> الرد الرابع :

merciiiiiiiiiiiiiiiiiiiiiiiiiiiii

__________________________________________________ __________

>>>> الرد الخامس :

برافووووووووووووووووووووووووووو