عنوان الموضوع : معرفتش وش من فرماج نشري سآعدوني طريقة جزائرية
مقدم من طرف منتديات العندليب

السلام عليكم حبيباتي اليوم درت نهار لقضيان الدار شريت كل مستلزمات لكن لم أشتري الى الجبن (فرماج) اللي نستعملوا في قراتان و..ممكن تساعدوني اخواتي بصوره للفرماج الذي تستعملونه باه نشري كيفكم ارجوكن



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

تقدري ديري شيدار بزاف مليح للغراتان ولا الغرويار انا نستعملو غير هو يجيني ذوقو خفيف على الفروماج روج اما للبوراك والمحشي كاين البربار هايل رمضان مبارك

__________________________________________________ __________

>>>> الرد الثاني :

اختي قوليلو يعطيك الشيدار ميزان خير من المرحي وانتي رابيه فوق الاكل الكيلو يعمل عندنا 90الف وهو الي يعملوه للبيتزا والسباقيتي بزاف لانو يذوب ويتعلك فوق الاكل
القرويار طعمتومميزة ولاذعة مليح للحشو والا للقراتان والسلطات يتمشى مع الاكل الي فيه البيشامال بزاف الكيلو 120الف
كاين الكمومبارت مليح للسلاطة والاوردافر
وكاين الاجبان البيضاء مليحة في البوراك والقراتان والحشو تاع المعجنات وووووووومثل لافاش كيري وتارتينو وووووو
كاين كيري المربعات نحسو يصلح اكثر شيء للحلويات والطلي
هذو الاخيرين ثمنهم معقول شو
وكاين جبن مليح للناس الي عندهم الكوليسترول والدهون في جسمهم مثل ناس الحمية مصنوع من حليب الماعز والكيلو ب200الف ولكن صحي
وكاين بزاف انواع
عن نفسي شريت رطل شيدارب45 الف ونص رطل قرويارب30الف وعلبتين لافاش كيري بورسيون وعلبة طويلة مستطيلة لوشاف تاع لافاش كيري ب40الف

__________________________________________________ __________

>>>> الرد الثالث :

نصيحة فقط الشيدار ماشي مليح للاكل راه كاين فرماج تاع البتزا بالميزان يدير 40الف للكيلو
حبيبتي تخدم في مصنع للاجبان (مختبر) قاتلي الشيدار هو المادة الي نخدمو بيه الفرماج ويجي على شكل سائل,, يعني لوكان ماشي الشيدار منقدروش نخدمو باقي الجبن
و قالتلي راهم رايحين ينحيوه من السوق يسوق غير للمصانع
اسمحولي معلومة نعرفها لازم نخبر بيها
رمضان مبارك

__________________________________________________ __________

>>>> الرد الرابع :

المشاركة الأصلية كتبت بواسطة _lydia
نصيحة فقط الشيدار ماشي مليح للاكل راه كاين فرماج تاع البتزا بالميزان يدير 40الف للكيلو
حبيبتي تخدم في مصنع للاجبان (مختبر) قاتلي الشيدار هو المادة الي نخدمو بيه الفرماج ويجي على شكل سائل,, يعني لوكان ماشي الشيدار منقدروش نخدمو باقي الجبن
و قالتلي راهم رايحين ينحيوه من السوق يسوق غير للمصانع
اسمحولي معلومة نعرفها لازم نخبر بيها
رمضان مبارك

لوكان تميلدنا اسمو او صورتو اختي لانو البيتزا ما تكونش مليحة غير بالجبن الذايب الي يتمغط فوقها
وانتي قلتي الكيلو ب40 الف هذا مقدور عليه ارحم من تاع 90 الف

__________________________________________________ __________

>>>> الرد الخامس :

سلام بالنسبة للبيتزا الأصل تاع الجبن تاعها هوا الموتزاريلا. يستعملوه قاع الشركات المشهورة كما بيتزا هوت و دومينوس،،،،الخ
و يزيدو يرشو فوقها جبن البارمزان اممممم انا هدا هوا اللي نموت عليه الباستا و البيتزا بدون بارمزان ما يجوش ملاح

اما بالنسبة للشيدار أهنأ يديرونا بيه البرغر سوغتو